TAGA-EFESO 5:21 - Maung A Balita Biblia

²¹ Manoonuran kayo ta sikato yay pakanengnengan na pangigagalang yod Cristo.

Maung a Balita Biblia

²¹ Manoonuran kayo ta sikato yay pakanengnengan na pangigagalang yod Cristo.

TAGA-EFESO 5:21 Iomraidhean Croise

Genesis 16:9

Inkuanto may anghil sa Katawan, “Pawil ka, tan paaripen kad sikato.”

1 Saray Awaran 29:24

Saray amin ya opisyal tan saray amin a sondalo, tan saray amin a lalakin anak nen David et nansipan iran matoor ed kinen ari Solomon.

2 Saray Awaran 19:7

Takotan yoy Katawan tan apiger yoy antokaman a gawaen yo, lapud say Katawan a Dios tayo et ag to labay so pamikewet ed katunongan, odino say panaglabi, odino say pangawat na pasoksok.”

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Nehemias 5:9

Insan inkuanko, “Makapoy itay gagawaen yo! Nepeg yon takotan so Dios tan gawaen so antokaman a kaptekan. Ag yo naitdan ed satan iray kalaban tayon Hentil na pankanawnawan manludlurey ed sikatayo.

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

1 CORINTO 16:16

ya ontoluk kid sikara, tan diad anggan siopan toon mansasagput tan manlilingkur a singa sikara.

2 CORINTO 5:11

Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

TAGA GALACIA 5:13

Agagi, atawag kayon magmaliw a bolus. Balet ag yo ibabaraay inkabolus yo ed pangonur yod saray liket na laman. Mantutulongan kayo ingen lapud aro.

TAGA-EFESO 5:22

Bibii, toluk kayod kaasawaan yo, a singa katotoluk yod Katawan.

TAGA-EFESO 5:24

Kanyan no panoy itotoluk na iglisia ed Cristo, ontan met a saray bibii nepeg day ontoluk diad amin a bengatla ed saray kaasawaan da.

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

1 Timoteo 2:11

Nakaukolan a mareen iray bibii no mantitipon iran manaral tan nakaukolan a sigput iran matoluk.

1 Timoteo 3:4

Nakaukolan a say pangipapangulo tod pamilya to et maung, oonuren tan gagalangen a maung na saray anak to.

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.

1 Pedro 2:13

Lapud Katawan, toluk kayod saray manoley: diad Impirador a sikatoy sankatageyan a manoley,

1 Pedro 2:17

Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”