TAGA-EFESO 5:19 - Maung A Balita Biblia

¹⁹ Mantotongtong kayod panamegley na saray salmo, imno, tan diniriyos a kanta. Kantaan yoy imno tan salmo so Katawan, tan impapusoy pangigalang yod sikato.

Maung a Balita Biblia

¹⁹ Mantotongtong kayod panamegley na saray salmo, imno, tan diniriyos a kanta. Kantaan yoy imno tan salmo so Katawan, tan impapusoy pangigalang yod sikato.

TAGA-EFESO 5:19 Iomraidhean Croise

Saray Salmo 147:7

Kantaan yo na saray imno na dayew so Katawan; togtogan yod arpa so Dios tayo.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Saray Salmo 86:12

Idayew ta kad intiron pusok, Katawan a Dios ko, tan ibawag kon ando lan ando so inkatalonggaring mo.

Saray Salmo 95:2

Ondago tayod arap to a misalamat ed sikato, tan mankanta itayo na saray maliket a kanta a pangidayew.

Isaias 65:14

Mankanta rad liket, balet manakis kayo lapud sakit na pagew.

Mateo 15:8

Gagalangen ak na sarayan totoo diad panamegley na bibil da; balet diad tuay tua, arawrawid siak so puso ra.

Mateo 26:30

Anganta ray sakey ya imno, insan ira linma ed Palandey na Kaolibaan.

Saray Gawgawa 16:25

Nen mamepegley lay labi, si Pablo tan si Silas mampipikasi ra tan kakantaan da na saray imno so Dios. Onderengel iray arum a priso.

1 CORINTO 14:15

Anto siriy nepeg kon gawaen? Mampikasi ak diad panamegley na ispirituk, balet ikanak met ed panagpikasik so kanunotan ko. Mankanta ak diad panamegley na ispirituk, balet ikanak met ed panagkantak so kanunotan ko.

1 CORINTO 14:26

Anto sirin so labay kon ibaga ed sarayan amin, agagi? Diad pantitipon yo a mangigalang, walay manganta, walay mambangat, walay mangipaamta na puyan na Dios, wala met so mansalitay nandoroman salita, tan walay mangipatalus ed sarayan salita. Gawa yo ray amin a bengatlan makapabiskeg ed iglisia.

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

Santiago 5:13

Walay gunigon na siopaman ed sikayo? Nepeg toy mampikasi. Maliket so siopaman ed sikayo? Nepeg toy mankanta na pangigalang ed Dios.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.