TAGA-EFESO 4:31 - Maung A Balita Biblia

³¹ Ekal yo lad bilay yoy sakit na linawa, alabas a pasnuk tan bosul. Ag ki la maneeyagan, mampapaogesan, o maniirapay linawa.

Maung a Balita Biblia

³¹ Ekal yo lad bilay yoy sakit na linawa, alabas a pasnuk tan bosul. Ag ki la maneeyagan, mampapaogesan, o maniirapay linawa.

TAGA-EFESO 4:31 Iomraidhean Croise

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 37:21

Nadngel ira nen Ruben, kanyan labay ton iyagel si Jose. “Ag tayo ekalay bilay,” inkuanto.

Genesis 37:4

Nen anengneng na saray agagi nen Jose ya inaro ni nen Jacob ya ama ra nen say sikara, aliwa-liway pitotongtong dad sikato lapud kabkabosul da.

Genesis 4:8

Insan inkuanen Cain ed kinen agi ton Abel, “Mamasyar ta ed kaalogan.” Nen wadman la ra, tinekmelan nen Cain si agi to tan pinatey to.

2 Samuel 13:22

Ag lan balut akitongtong si Absalom ed kinen Amnon, lapud mapalalon pasnuk tod sikato ed impamasoot tod kinen Tamar.

2 Samuel 19:27

Nantilad sika nipaakar ed siak, balet singa ka anghil na Dios, kanyan gawam so antokaman ya amtam a maabig.

2 Samuel 19:43

Inmebat iray Israelita, “Mamimpulo nin karakel so kanepegan mid Ari David nen say sikayo anggaman a kanayon yo. Akin et memelag-melagen yo kami? Ag yo lilingwanan a sikamiy akaonan nantotongtong na nipaakar ed ipawil na ari!” Balet mapetang ni ray lalakin taga Juda a misangsangan nen saray lalakin taga Israel.

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

Saray Salmo 140:11

Ag komun manalo iray totoon mangaakusay tila ed kapara ran too; naosilan tan naderal komun na kaogsan iray totoon maruksa.

Saray Salmo 15:3

tan ag to papaogesey kapara ton too. Ag manggagaway maoges ed saray kakaaro to, tan ag mangikakayat na tila nipaakar ed kapara ton too.

Saray Salmo 37:8

Ag ka mapaspasnuk o mapagpaga; gunigon labat so pansumpalan to.

Saray Salmo 50:20

Sipaparaan kayon mangakusad saray dilin agagi yo tan mamakasalanan ed sikara.

Saray Salmo 64:3

Iyoobul dan singa ispada so kadilaan da, tan ipapatoyung dan singa pana iray anagasang a salita ra.

Probirbio 10:12

Say bosul manangigapoy golo, balet say aro manamaandiy amin a kasalanan.

Probirbio 10:18

Matila so toon iyaamut toy panagbosul to. Makulang-kulang so toon managtalabutob.

Probirbio 14:17

Saray totoon mapasnuk manggagawa ray andi-kabaliksan; saray totoon lalon makabat mansiasiansia ran mareen.

Probirbio 18:8

Masamsamit a singa kakanen so talabutob—labalabay tayon akmonen!

Probirbio 19:12

Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Probirbio 25:23

No panoy pangitataruk na dagem a nanlapud baybay ed oran, ontan met so pangitataruk na panagtalabutob ed pasnuk.

Probirbio 26:20

Naerep so apoy no naoput lay kiew; ontonday kolkolan no anggapo lay pantatalabutoban.

Probirbio 29:22

Say toon maipapasnuk panlapwan na dakel a kolkolan tan golo.

Probirbio 29:9

No irimanda na toon makabat so toon makulang-kulang, makapasnuk labat imay makulang-kulang, manelek-elek tan manggaway golo.

Ecclesiastes 7:9

Ag ka bengatbengat mamapasnuk; inkakulang-kulang so pomokuk na sakit na linawa.

Jeremias 6:28

Diad gaway awet na olo ran amin onlalaban ira; liber-liber iran mantatalabutob. Anawet a singa gansa tan balatyang so kapusoan da; marotak so kagagawa ran amin.

Jeremias 9:4

Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

Saray Gawgawa 21:30

Agoloy intiron siudad, tan kibatiktik iray totoon dinmadago. Siningkat day Pablo, tan inggayugoy dad paway na Timplo, insan da insaran tampol iray puirta.

Saray Taga Roma 3:14

napno na saray ampaipait a panagayew so sangi ra.

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

1 CORINTO 5:8

Kanyan pistaan tayoy Paskua, aliwan diad panamegley na tinapay a walay lauk ton daan a libaduray kasalanan tan kaogsan, no ag diad panamegley na tinapay ya anggapoy libadura, say tinapay na katooran tan katwaan.

2 CORINTO 12:20

Mapaga ak, ta ag la pigan no onla ak ditan, et narumog kon nidoma kayod labay kon kipapasen yo tan nidoma ak ed labay yon kipapasen ko. Ompano narumog kon walay pankokolkolan, paniimonan, pampepetangay olo, pansisibletan, pampapaogesan, pantatalabutoban, pampapaatageyan, tan panggogolowan.

TAGA GALACIA 5:20

panangigalang ed saray talintaoy diriyos, panaganito, pambobosulan, panlalaban, paniimonan, pampepetangay olo, pantatalonaan, pambabalingaan tan pansisiblangay grupo ed sakey a grupo,

TAGA-EFESO 4:22

Ibeneg yo lay gendat a panagbilay yo. Paolyan yo lay daan ya inkatoo yo a nadederal lapud saray maoges a pilalek.

TAGA-EFESO 4:25

Kanyan ag ki la mantitila, no ag ingen salita yoy katwaan ed agagi yo, ta kabyangan itayon amin na saksakey a laman.

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

COLOSAS 3:19

Sikayo ran lalaki, aro yoy kaasawaan yo, tan ag kayo maruksa ed sikara.

COLOSAS 3:8

Balet natan, ekal yo la ra yad bilay yo: alabas a pasnuk, bosul, tan sakit na linawa. Ag ki la mampapaoges tan mansasalitay mabanday.

1 Timoteo 3:11

Nakaukolan met a say kaasawaan da et maung so ogali ra, aliwa ran managtalabutob, no ag ingen maadya tan matoor ed amin a pamaakaran.

1 Timoteo 3:3

Nakaukolan met ya aliwan buanges, aliwan maigaganon mangabil, no ag ingen maoyamo, labay toy mareen a bilay, tan aliwan lupay kuarta.

1 Timoteo 5:13

Naaralan da ni ingey manngiras tan mandarak na panaon diad panliber dad saray kabkaabay. Say lalon maoges, magmaliw iran managtalabutob tan mibabalid bilay na arum a totoo, tan manlabir iray ag da nepeg a labiren.

2 Timoteo 2:23

Arawian moy andi-kakanaan tan makulang-kulang iran sangsangan, ta amtam a mansumpal ira ya labat ed kolkolan.

2 Timoteo 3:3

ag da amtay mangasi tan mangabagey ed kapara ran too, managderal iray kagalangay arum, maruksa tan masebeg ira; bosulen day kamaungan;

Tito 1:7

Ta say panguloy iglisia nepeg ya anggapoy pakabalawan ed sikato, bangta say kimey a nipaakar ed Dios so nipalimad sikato. Nakaukolan ya aliwan mapaatagey, aliwan mapasnuk, aliwan buanges, aliwan maruksa, tan aliwan maagom.

Tito 2:3

Ontan met ya ibagam ed saray mamatakken a bibii a mambilay iran masimpit, ag ira mantatalabutob, tan ag ira mambuabuanges; mambangat ira ingen na kamaungan,

Santiago 1:19

Tandaan yo ya, inararok iran agagi! Nepeg a masiglat ya ondengel so balang sakey, mapalnad panagsalita, tan aliwan maipapasnuk.

Santiago 3:14

Balet no manarid puso yoy ampait ya imon tan pantatalonaan, ag yo nepeg itan ya ipasirayew, tan ag kayo mantitila sumpad katwaan.

Santiago 4:11

Ag kayo mampapaogesan, agagik. Siopamay mampaoges o manintinsiad agi to, paogesen tan sintinsiaan toy Ganggan. No sintinsiaan moy Ganggan, aliwa ka lan mananumpal na Ganggan no ag ta managsintinsiay Ganggan.

1 Pedro 2:1

Kanyan ekal yo lad bilay yo ray amin a kaogsan, panagtila, pansimpisimpitan, panagimon, panagpaoges na kagalangan.

1 Juan 3:12

Ag tayo nepeg ya aligey Cain a mananombuk na Diablo, tan pinatey toy agi to. Akin et pinatey nen Cain so agi to? On a, ta maoges iray gawgawa to, balet maung iray gawgawa na agi to.

1 Juan 3:15

Siopamay mamobosul ed agi to, sikatoy managpatey; et amta yon anggapoy bilay ya andi-anggaan ed sakey a toon managpatey.

Puyan 12:10

Insan nadngel koy maksil a bosis ed tawen ya inkuanto, “Sinmabi lay pangilabay Dios! Impanengnengto lay pakayari ton Ari! Impanengneng la na Cristo so pakaoley to! Ta apataynan lad tawen so mangaakusan agew-labi ed saray agagi tayo, diad arap na Dios.