TAGA-EFESO 4:29 - Maung A Balita Biblia

²⁹ Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

Maung a Balita Biblia

²⁹ Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

TAGA-EFESO 4:29 Iomraidhean Croise

Saray Salmo 45:2

Sikay sankaguapoan ed amin da ray lalaki; marunong kan manalita. Bibindisionan ka lawas na Dios!

Saray Salmo 5:9

Ag napanmatalkan so salita da ray kalaban ko; labay da labat so manderal. Maamuyot so panagsalita ra, balet napnoy makapatey a panamalikdo.

Saray Salmo 52:2

Mamplaplano kay paneral mod saray arum; singa matdem a labahas so dilam. Naynay kan mantitila.

Saray Salmo 71:24

Salitaen ko lawas ya inagew-agew so inkatonung mo, ta atalo tan naplag ed kababaingan iray nanggetman mamasakit ed siak.

Probirbio 12:13

Say toon maoges naeerel ed saray dilin salita to, balet say toon matonung makalolokpus ed gunigon.

Probirbio 15:23

Agaylay gayaga na pakalmo na dugan salita para dugan okasyon!

Probirbio 15:7

Say pakaamta ikakayat na saray totoon makabat, aliwan saray makulang-kulang.

Probirbio 16:21

Amta so toon makabat lapud pakatalus to. No lalon marakep iray salita to, sikatoy lalon makaayayat.

Ecclesiastes 10:12

Pakagalangan na makabat a too so bunga na saray salita to, balet kaderalan na makulang-kulang so bunga na saray salita to.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Mateo 5:16

Ontan met, iwandag yod arap na katoowan so silew yo, pian nanengneng da ray maung a gawa yo, et diad ontan, idayew day Ama yon walad tawen.”

Lucas 4:22

Indayew na amin a totoo, tan mankelaw irad saray mararakep a salita to. “Aliwa tan sikato ya may anak nen Jose?” tepet da.

Juan 1:37

Nadngel ya na saramay duaran disipulo nen Juan tan akila rad kinen Jesus.

Saray Taga Roma 14:19

Kanyan nepeg tin panseetan a gawaen iray makapangiter na kareenan tan makapabiskeg na sakey tan sakey.

Saray Taga Roma 15:2

Paliketen ti ingey agi tayo no pankaabigan to, pian ombiskeg so pananisia to.

1 CORINTO 14:19

Balet diad pantitipon na iglisia, lablabayen ko niy mansalitay limlimaran balikas a natalusan pian nibangat ko ray arum, nen say nilibon balikas ya ag natalusan.

TAGA-EFESO 4:12

Ginawa to ya a pangiparaan tod amin a totooy Dios ed panlingkur da, pian ombolaslas so iglisia, say laman nen Cristo.

TAGA-EFESO 4:16

Lapud panangitonton to, maokoksuy ya amin iray kabyangay laman, tan say intiron laman et impampepeketan na saray langolangowan. No balang kabyangay laman et mankikimey onung ed kanepegan ton gawaen, ombaleg tan ombiskeg so intiron laman diad panamegley na aro.

COLOSAS 4:6

Nepeg a marakep tan makaayayat lawas a dengelen so pananalita yo, tan nepeg ya amtaen yo no antoy manepeg ya iyebat yod balang sakey a too.

1 TESALONICA 5:11

Kanyan ituloy yoy mansisimbawaan tan mantutulongan, a singa gagawaen yo natan.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

1 Pedro 3:1

Ontan met, sikayo ran bibii, paoleyan kayod kaasawaan yo. No walad sikaray ag ni manisiad salitay Dios natanggoyur iran manisia, diad panamegley na maung ya ogali yo. Anggano ag yo la ra paliwawaan,

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.