TAGA-EFESO 4:26 - Maung A Balita Biblia

²⁶ No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

Maung a Balita Biblia

²⁶ No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

TAGA-EFESO 4:26 Iomraidhean Croise

Saray Salmo 37:8

Ag ka mapaspasnuk o mapagpaga; gunigon labat so pansumpalan to.

Saray Salmo 4:4

Giwgiw kayon sitatakot tan tondaan yo lay mankasalanan; motektek yo yan maung no mandokdokul kayon mareen ed saray katri yo.

Exodo 11:8

Insumpal nen Moises so pansasalita to diad impangikuanto, “Ondagod siak ya amin iray opisyal mo tan ondakmomo rad siak, tan kerewen dad siak ya itaynan ko la ray amin a totook. Kayari to tan, ontaynan ak la.” Insan linma lay Moises a mapalaloy pasnuk to.

Probirbio 14:29

No ambetel so olom makabat ka, balet no mipepetang so olom ipapanengneng mo so ontan lan inkakulang-kulang mo.

Probirbio 19:11

No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Probirbio 25:23

No panoy pangitataruk na dagem a nanlapud baybay ed oran, ontan met so pangitataruk na panagtalabutob ed pasnuk.

Ecclesiastes 7:9

Ag ka bengatbengat mamapasnuk; inkakulang-kulang so pomokuk na sakit na linawa.

Saray Bilang 20:24

“Ag makaloob si Aaron ed dalin ya insipan kon iter ed Israel; ompatey la lapud sinumlang yon dua so ganggan ko dimad Meriba.

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Marcos 10:14

Asanukay Jesus nen anengneng to yan ginawa da ray disipulo to tan kuantod sikara, “Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay Dios.

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Deuteronomio 24:15

Kapag nasabiy ngarem kasakbayan ya onselek so agew bayaran yoy sanagew ya impankimey to; nakaukolan toy kuarta tan iilaloan ton awaten. No ag yo bayaran, ontawag ed Katawan na sumpad sikayo, et sikayoy mankasalanan.

Santiago 1:19

Tandaan yo ya, inararok iran agagi! Nepeg a masiglat ya ondengel so balang sakey, mapalnad panagsalita, tan aliwan maipapasnuk.

Santiago 1:20

Ta say pasnuk na too ag makatulong ed panumpal na matonung a getmay Dios.

1 Samuel 20:34

Ampetang so olo nen Jonatan, tinmaynan ed lamisaan tan ag angan ed saman ya agew, say kumadwan agew na Pistay Balon Bulan. Nanermenan ton maung si David, ta pinabaingan nen Saul.