TAGA-EFESO 4:14 - Maung A Balita Biblia

¹⁴ Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

Maung a Balita Biblia

¹⁴ Aliwa itayo lad satan a singa saray ogogaw a mainomay a natanggoyur na anggan anton bangata singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

TAGA-EFESO 4:14 Iomraidhean Croise

Saray Salmo 10:9

singa lion a manaalagar ed amutan to. Tatalaranan to ray mairap-bilay, sisingkaten to rad patit to, insan to ra igagayugoy ya iyarawi.

Saray Salmo 59:3

Nengneng mo! Tatalaranan da ak a pateyen; mantitipon ya onlaban ed siak iray maruksan totoo. Aliwan lapud kasalanan o kaogsan a ginawak,

Isaias 28:9

Manririklamo ra nipaakar ed siak. Kuanda, “Siopa ray abaloan na satan a too a babangatan to? Siopa ray mankaukolan na saray ibabangat to? Onkana ra labat ed saray kapamakson ogogaw!

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Mateo 11:7

Nen ompapawil la ray disipulo nen Juan, nansalitay Jesus na nipaakar ed kinen Juan, “Nen linma kayod kalawakan, antoy getma yon nengnengen? Sakey a bolo ya ipapalig-palig na dagem?

Mateo 24:11

Amayamay met iray omparontal a tila-tilan propita, tan dakerakel so napalingo ran totoo.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Saray Gawgawa 23:21

Balet ag mo ra panisisiaan, ta masoluk ya apataplon lalakiy kaiba ran manaalagar a manabat ed sikato. Sinambaan da ya ag ira mangan o oninom ya anggad ag da napatey. Akaparaan la ra natan. Aalagaren da labat so iyesel mo.”

1 CORINTO 12:2

Amta yo a nen aliwa ki nin mananisia, tinmotombuk kayod saray ag makasalitan talintaoy diriyos a lawas angibabalang ed sikayo.

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

1 CORINTO 3:19

Ta say kakabatan na sankamundoan, kakulang-kulangan ed arap na Dios. Onung na ibabagay Masanton Sulat, “Erelen na Dios iray makabat diad panamegley na dilin silib da.”

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

2 CORINTO 4:2

Inkaindan mi la ray maamut tan makapabaing a gawa. Ag kami mamapalingo odino mamipikewet na salitay Dios. Diad liwaway katwaan, mambibilay kami ed arap na Dios, tan imamatalek miy sikamin dili ed balang konsinsia na too.

TAGA GALACIA 3:1

Makulang-kulang a taga Galacia! Siopay angekal na kalakal yo? Maliwliwawa la lantid mata yo so impatey nen Jesu-Cristo ed krus!

TAGA-EFESO 6:11

Amin ya armas ya iiter na Dios ed sikayo so isolung yo, pian nayarian yon labanay panamalingo na Diablo.

1 Timoteo 3:6

Ag met nayarin agano nin mananisiad Cristo, ta ag la pigan mampaatagey, et nadusan singa say Diablo.

2 Timoteo 1:15

Amtam a balang sakey a walad Asia et inkaindan da ak, pati di Figelo tan Hermogenes.

2 Timoteo 3:13

Balet magmaliw a lalon maoges iray managgaway kaogsan tan manamalingo. Ituloy day pamalingo rad arum, balet napalingo met ira.

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

Saray Hebreo 13:9

Ag yo iyaabuloy ya ibalang kayoy nambabangil tan nidoma-doma ran bangat. Magmaung nin napabiskeg so linawa tayo diad panamegley na baleg a panangaroy Dios, nen say diad panamegley na pangonur ed saray ganggan a nipaakar ed panangan. Anggapoy nagugunggona da ray mangoonur ed sarayan ganggan.

Santiago 1:6

Balet no onkerew kayo, nepeg a manisia kayo tan ag kayo manduaruwa, ta siopaman a manduaruwa et singa daluyon ya ipaligpalig na dagem.

Santiago 3:4

Ontan met ed barko: anggaman a balbaleg tan itotolak na mabiskeg a dagem, niwanwan tan napaonla ed anggan iner a pasen a labay na piloto, diad panamegley na melmelag a timon.

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.

1 Juan 2:26

Susulaten ta kayo na nipaakar ed saray manasalin mangibalang ed sikayo.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.

Judas 1:12

Makarotarotak ira diad pirongo rad sikayo, lapud makapabaing a panangan da. Say laman da labat so nununoten da. Singa ra lorem ya ipapalig-palig na dagem, balet ag mangipelag na oran. Singa ra met kiew ya ag mambunga anggan panaoy panagbunga; aliling day kiew ya abagut anggad lamut, tan inate-atey la.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.