TAGA-EFESO 3:5 - Maung A Balita Biblia

⁵ Nen inmonan panaon, sayan niamut a katwaan et ag akabatay katoowan, balet natan impaamta na Dios, diad panamegley na Ispiritu, ed saray masanton apostol tan saray masanton propita to.

Maung a Balita Biblia

⁵ Nen inmonan panaon, sayan niamut a katwaan et ag akabatay katoowan, balet natan impaamta na Dios, diad panamegley na Ispiritu, ed saray masanton apostol tan saray masanton propita to.

TAGA-EFESO 3:5 Iomraidhean Croise

Isaias 52:15

Balet natan amayamay a bansay mankelaw ed sikato, tan diad pankelaw da ray arari ag ira makaskasel. Nanengneng tan natalusan day ag da ni akabatan nen saman.”

Mateo 13:17

Tandaan yo ya! Nampirawatan na amayamay a propita tan saray maung a totoo so makanengneng ed nanenengneng yo, balet ag da anengneng. Nampirawatan da met a dengelen so narerengel yo, balet ag da nadngel.”

Mateo 20:7

‘Anggapo lantiy mangalad sikami a mankimey,’ kuanda. Inkuanto, ‘No ontan sirin, lakayo met a mankimey ed kaubasan ko!’

Mateo 23:34

Kanyan kuankod sikayo: mangibaki ak ed sikayo na saray propita, saray makakabat a totoo, saray bumabangat. Balet pateyen yoy pigarad sikara, tan ipasak yod krus iray arum. Sipsiplatan yo ray arum ed saray sinagoga yo, tan osil-osilan yo rad binaley-baley.

Lucas 10:24

Ta amayamay iray ari tan propita, kuankod sikayo, a nampiwarat a makanengneng na nanenengneng yo natan, balet ag da anengneng. Nampirawat met iran makadngel na narerengel yo natan, balet ag da nadngel.”

Lucas 11:49

Sikato yay makasengeg ya inkuay Kakabatan na Dios, ‘Mangibaki ak ed sikara na saray propita tan apostol. Pateyen na totooy pigarad sikara, tan pairapen da ray arum.’

Juan 14:26

Balet say Mananulong, a salanti say Ispiritu Santo ya ibaki na Ama diad ngaran ko, ibangat tod sikayoy amin a bengatla tan ipanunot to ray amin ya imbabagak ed sikayo.

Juan 16:13

No onsabiy Ispiritu na katwaan, iwanwan to kayon mangamta ed amin a katwaan, ta ag mansalitan manlapud sikaton dili. Ingen, salitaen tod sikayoy nadngel to tan ibaga to ray bengatlan onsabi.

Saray Gawgawa 10:28

Inkuanto, “Kabat yo a sebel ed sakey a Judio so mikaaro odino ombisitad aliwan Judio. Balet impaamtay Dios ed siak ya ag ko ipasen a marotak o ag manepeg a piolupan so anggan siopa.

Saray Taga Roma 16:25

Idayew tayoy Dios a nayarian ton pabiskegey pananisia yo, onung ed Maung a Balitan nipaakar ed Jesu-Cristo ya ipupulong ko; onung ed inkibawag na abaybayag lan niamut a katwaan.

1 CORINTO 2:10

Balet say Dios impaamta to yad sikatayo diad panamegley na Ispiritu. Ta sokimaten na Ispiritu iray amin a bengatla, anggan saray sankaaraleman a getmay Dios.

TAGA-EFESO 2:20

Nipaalagey ki met ed tapew na pundasion ya inletneg na saray apostol tan saray propita, say baton suyok, a salanti si Cristo Jesus.

TAGA-EFESO 3:9

tan mangipalinew ed amin a katoowan na nipaakar ed pangikanay maamut a plano na Dios. Saya et abaybayag lan inyamut na Dios a Manamalsay amin a bengatla,

2 Pedro 3:2

Labay kon nunoten yo lawas iray sinasalita nen saman na saray masanton propita, tan say ganggan na Katawan tan Manangilaban ya imbangat na saray apostol a nibakid sikayo.

Judas 1:17

Balet tandaan yo, inararon agagi, iray imbagad sikayo nen saman na saray apostol na Katawan tayon Jesu-Cristo!