TAGA-EFESO 3:2 - Maung A Balita Biblia

² Angangko, andi duaruwan abalitaan yo a lapud baleg a panangaroy Dios, impalima tod siak yan kimey a pankaabigan yo.

Maung a Balita Biblia

² Angangko, andi duaruwan abalitaan yo a lapud baleg a panangaroy Dios, impalima tod siak yan kimey a pankaabigan yo.

TAGA-EFESO 3:2 Iomraidhean Croise

Saray Gawgawa 13:2

Nen peles dan manlilingkur ed Katawan tan manaayuno, inkuay Ispiritu Santo ed sikara, “Ibiig yon para siak ira di Bernabe tan Saulo, ta gawaen day kimey ya anawagan kod sikara.”

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Saray Gawgawa 22:21

Balet inkuan na Katawan, ‘Laka la, ta ibaki ta kad arawidiad kawalaan da ray Hintil.’”

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.

Saray Taga Roma 1:5

Diad panamegley to, inawat mid Dios so baleg a panangaro to tan say inkaapostol, pian natanggoyur min manisia tan mangonur ed Cristo iray amin a katoowan.

Saray Taga Roma 11:13

Saya met so ibagak ed sikayo ran Hintil: dapot apostol ak na saray Hintil, ikikinon koy panaglingkur ko,

Saray Taga Roma 12:3

Lapud baleg a panangaroy Dios ed siak ibabagak ed balang sakey ed sikayo: Ag yo itatanduroy laman yon dili ya alabas nen say kanepegan to. Ingen mampaabeba kayo tan balang sakey ed sikayo sintinsiaan toy sikaton dili, onung ed sukat na pananisian inter na Dios ed sikato.

1 CORINTO 4:1

Nepeg ya ipasen yo kamin aripen nen Cristo tan managasikaso na saray niamut a katwaan na Dios.

TAGA GALACIA 1:13

Abalitaan yo no panoy impambilay ko nen mabiskeg ak a kabyangay rilihion da ray Judio, no panoy impanpapairap kon andi-panangasi, tan no panoy impanggagawak na anggaay nayarian kon maneral ed iglisiay Dios.

TAGA-EFESO 1:10

Sayan planoy Dios a sumpalen to no onsabi lay manepeg a panaon et say pangipasakey tod Cristo na amin iray pinalsan walad tawen tan dalin.

TAGA-EFESO 3:7

Lapud nidoma-doman langkap na Dios ya inter tod siak, onung na impankimey na pakayari to, nagmaliw ak ya aripen a managpulong na Maung a Balita.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

TAGA-EFESO 3:9

tan mangipalinew ed amin a katoowan na nipaakar ed pangikanay maamut a plano na Dios. Saya et abaybayag lan inyamut na Dios a Manamalsay amin a bengatla,

TAGA-EFESO 4:21

no tuan nadngel yoy nipaakar ed sikato tan inaral yoy katwaan a walad kinen Jesus.

TAGA-EFESO 4:7

Balang sakey ed sikatayo naitday nidoma-doman langkap, onung ed sukat na panangaron inter nen Cristo.

COLOSAS 1:4

Ta abalitaan miy nipaakar ed pananisia yod Cristo Jesus, tan say panangaro yod amin a totooy Dios.

COLOSAS 1:6

Say Maung a Balita et onkakayat tan mangiiter na bindision ed sankamundoan, a singa agawad sikayo nen inmonan nadngel tan atalusan yoy katwaan na panangaroy Dios.

1 Timoteo 1:11

Sayan bangat naalmod Maung a Balitan manlalapud mapagalang tan masanton Dios, tan nimatalek ed siak ya ipulong ko.

1 Timoteo 1:4

Ibagam met ed sikara ya ag da la panaabalaay oras iray tongtong ya andi-kakanaan tan andorokey a listaan na kangaranay inmonan lalaki, ta panlapwan ira labat na sangsangan. Sakey ni, ag ira makatulong ed iyaligwas na planoy Dios, a nakabatay too diad panamegley na pananisia.

1 Timoteo 2:7

Lapud saya, atoro ak ya apostol tan bumabangat ed saray Hintil, pian nipulong kod sikaray nipaakar ed pananisia tan katwaan. Katwaay ibabagak, ag ak mantitila!

2 Timoteo 1:11

Say Dios pinili to ak ya apostol a mampulong tan mambangat na Maung a Balita,