TAGA-EFESO 3:19 - Maung A Balita Biblia

¹⁹ Nakabatan yo komun yan panangaro to, anggaman ya ag balut natalusan ya intiro, pian magmaliw kayon nagnap na inkagnap na Dios.

Maung a Balita Biblia

¹⁹ Nakabatan yo komun yan panangaro to, anggaman ya ag balut natalusan ya intiro, pian magmaliw kayon nagnap na inkagnap na Dios.

TAGA-EFESO 3:19 Iomraidhean Croise

Saray Salmo 17:15

Lapud matonung ak, nanengneng ta ka; no ombangon ak, say kiwawalam papanoen to ak na gayaga.

Saray Salmo 43:4

Onla ak ed satan ed altar mo, O Dios; sikay panlalapwan na liket ko. Togtogen koy arpak tan kantaan ta kay panangidayew, Dios, O Dios ko!

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Juan 1:16

Diad inkapno toy aro, pinalangkapan to itayon amin na ag nasabsabaan a kaabigan.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Saray Taga Roma 8:35

Siopa sirin so makapangisian ed sikatayod panangaro nen Cristo? Say segsegang, o say ermen, o say kairapan, o say eras, o say kaandiay ikawes, o say kaatapay bilay, o say patey?

Saray Taga Roma 8:39

o anggan say katageyan, o say anggan anton pinalsa—amin da ra ya et ag ira makapangisian ed sikatayo ed panangaroy Dios ya inter tod sikatayo diad panamegley nen Cristo Jesus a Katawan tayo.

2 CORINTO 5:14

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.

TAGA GALACIA 2:20

Inatey ak la a kaiba nen Cristo a nipasak ed krus, kanyan aliwa lan siak a dili so mambibilay, no ag ingen si Cristo so mambibilay ed siak. Mambibilay ak natan ed sayan mundo diad panamegley na pananisiak ed Anak na Dios ya angarod siak tan angibagat na bilay to lapud siak.

TAGA-EFESO 1:23

Say laman nen Cristo et say iglisia, say inkagnapan na mangiiter na inkagnap na amiamin a bengatla.

TAGA-EFESO 3:18

pian sikayo tan amin a totooy Dios et nawalaan na pakayari ya ontalus na ontan lan kaawang, karokey, kaatagey tan kaaralem na panangaro nen Cristo.

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

TAGA-EFESO 5:25

Lalaki, aro yoy kaasawaan yo, a singa panangaro nen Cristo ed iglisia. Inter ton para iglisia so bilay to.

FILIPOS 1:7

Wala kayon amin lawas ed pusok, kanyan manepeg ya onyay liknaan kod sikayo. Ta akinabang kid siak ya amin ed sayan pankanawnawan inter na Dios ed siak, say pankanawnawan mangyagel tan mamaneknek ed katwaay Maung a Balita, nen ag ak ni apriso ya anggad natan ya apriso ak.

FILIPOS 4:7

Tan say kareenay Dios a palabsanan toy pakatalus na too so mangasikasod puso tan nunot yo, diad panamegley nen Cristo Jesus.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.