TAGA-EFESO 2:13 - Maung A Balita Biblia

¹³ Balet natan, lapud pikakasakey yod Cristo Jesus, sikayo ran gendat ya arawi, niasingger kayo la diad panamegley na dala to.

Maung a Balita Biblia

¹³ Balet natan, lapud pikakasakey yod Cristo Jesus, sikayo ran gendat ya arawi, niasingger kayo la diad panamegley na dala to.

TAGA-EFESO 2:13 Iomraidhean Croise

Saray Salmo 22:7

Luludlureyen ak na amin da ray makanenengneng ed siak; dilat-dilatan tan mameyeng-peyeng ira.

Saray Salmo 73:27

Saray mangikakaindan ed sika et andi-saew ya ompatey ira; deralen mo ray aliwan matoor ed sika.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 43:6

Ibagak ed baybay ya ibolus to ra tan ibagak met ed abalaten ya ag to ra popokpokan. Ibagak ya abuloyan da ray totook ya ompawil a manlapud saray arawin dalin, ompawil iran manlapud amin a sokung na mundo.

Isaias 49:12

Manlapud arawin dalin iray totook, manlapu rad baybay tan diad sagur, tan manlapu rad Aswan diad abalaten.”

Isaias 57:19

Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Isaias 60:4

Nengneng kad kaliber-liber mo, tan imanom no antoy nagagawa: Mantitipon iray totoom ya onsempet la! Manlapud arawin pasen iray anak mon lalaki; Naawit a singa ogogaw iray anak mon bibii.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.

Saray Gawgawa 15:14

Kayadyari ton insalaysay nen Simon so inmonan impanawag na Dios ed saray pigaran Hintil, pian magmaliw met iran totoo to.

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

Saray Gawgawa 22:21

Balet inkuan na Katawan, ‘Laka la, ta ibaki ta kad arawidiad kawalaan da ray Hintil.’”

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Saray Taga Roma 8:1

Kanyan ag la natan nadusa iray totoon mikakasakey ed Cristo Jesus.

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

1 CORINTO 12:13

Ontan met ya amin tayo, Judio man o Hintil, aripen man o andi, bininyagan itayo na saksakey ya Ispiritu, tan nagmaliw itayon sakey a laman. Pinainom itayo met ya amin ed saksakey ya Ispiritu.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

TAGA GALACIA 3:28

Anggapo la siriy pandomaan da ray Judio tan saray Hintil, saray aripen tan saray aliwan aripen, saray lalaki tan saray bibii; saksakey kin amin diad pikakasakey yod Cristo Jesus.

TAGA-EFESO 1:1

Sayan sulat nanlapud kinen Pablo ya apostol nen Cristo Jesus, onung ed linaway Dios— Diad saray totooy Dios a wala rad Efeso, saray matoor ed Cristo Jesus:

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

TAGA-EFESO 2:2

Diad saman a panaon tinombuk yoy maoges iran kagagawad sayan mundo; inonur yoy pangulo na saray maispiritun pakayarid tagey, say ispiritun manoley ed bilay da ray totoon ag ontotoluk ed Dios.

TAGA-EFESO 2:6

Diad pikakasakey tid Cristo Jesus, binilay to itayo a kaiba nen Cristo tan impiolup to tayod sikato a manoley ed katawenan.

Saray Hebreo 9:18

Kanyan anggan samay onaan a sipanan apaletan labat diad impangikanay dala.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.