TAGA-EFESO 1:23 - Maung A Balita Biblia

²³ Say laman nen Cristo et say iglisia, say inkagnapan na mangiiter na inkagnap na amiamin a bengatla.

Maung a Balita Biblia

²³ Say laman nen Cristo et say iglisia, say inkagnapan na mangiiter na inkagnap na amiamin a bengatla.

TAGA-EFESO 1:23 Iomraidhean Croise

Juan 1:16

Diad inkapno toy aro, pinalangkapan to itayon amin na ag nasabsabaan a kaabigan.

Saray Taga Roma 13:5

Kanyan nepeg yoy ontoluk, aliwa labat a lapud labay yon paliisay pasnuk na Dios, no ag ingen lapu met ed konsinsia.

1 CORINTO 12:6

Nandoromay pakayari ed panagkimey, balet saksakey so Dios a mangiiter ed balang sakey na pakayarin mankimey.

1 CORINTO 15:28

Et no wala lad silong na pakaoley nen Cristo iray amin a bengatla, sikaton dili, say Anak, onsilong met lad satan ed pakaoley na Dios ya angyan na amin a bengatla ed silong na pakayari to. Say Dios ed satan manari lan nagnap ed amiamin.

TAGA-EFESO 2:16

Lapud impatey tod krus, pinatonda toy kolkolay duaran bansa, pinapawil to ran duad Dios, tan impankasakey to rad saksakey a laman.

TAGA-EFESO 3:10

pian diad panamegley na iglisia, nipakabat natan so andi-anggaan a kakabatay Dios ed saray manoley tan saray walay pakayari ed katawenan.

TAGA-EFESO 3:19

Nakabatan yo komun yan panangaro to, anggaman ya ag balut natalusan ya intiro, pian magmaliw kayon nagnap na inkagnap na Dios.

TAGA-EFESO 4:10

Kanyan samay inmabeba et sikato lamlamang imay inmatagey ed labas na katawenan, pian napanayaman toy amiamin a bengatla.

TAGA-EFESO 4:12

Ginawa to ya a pangiparaan tod amin a totooy Dios ed panlingkur da, pian ombolaslas so iglisia, say laman nen Cristo.

TAGA-EFESO 4:13

Diad ontan, makapankakasakey itayon amin ed pananisia tan pakapikabat ed Anak na Dios, tan ontakken itayo ya anggad pakapipara tid inkayadyari nen Cristo.

TAGA-EFESO 4:4

Walay saksakey a laman tan saksakey ya Ispiritu; ontan met a walay saksakey ya ilalon anawagay Dios ed sikayo.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

COLOSAS 2:19

Ag to mikakasakey ed Cristo ya olo tan kawalaay pakayari ed intiron laman, a natatagano tan naooksuy na saray langolangowan tan olaolat. Sikatoy mamapabaleg ed laman, onung ed linaway Dios.

COLOSAS 3:11

Lapud saya anggapo lay pandomaay Hintil tan Judio, asegat tan ag asegat, barbaro, tood takel, aripen o aliwan aripen; si Cristo so amin tan walad amin.

COLOSAS 3:15

Panoley yod puso yo so kareenan ya iter nen Cristo, ta sikato yay anawagay Dios ed sikayon amin pian magmaliw kayon kabyangay saksakey a laman. Misalamat kayo met.