Sofonias 3:8 - Maung A Balita Biblia

⁸ “Alagar yo ak sirin,” kuay Katawan. “Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Maung a Balita Biblia

⁸ Alagar yo ak sirin, kuay Katawan. Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Sofonias 3:8 Iomraidhean Croise

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 123:2

No panoy paniilalo na aripen ed amo ton laki, o say aripen a bii ed amo ton bii, ontan met so paniilalo mid sika, Katawan a Dios mi, anggad kasian mo kami.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Saray Salmo 37:34

Manmatalek kad Katawan, tan onur mo ray ganggan to; pagalangan to ka diad pangiter tod sikay dalin, tan nanengneng mon napagit iray totoon maoges.

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Saray Salmo 62:1

Aanosan kon aalagarey pangilaban na Dios ed siak; sikato labat so panmamatalkan ko.

Saray Salmo 62:5

Say Dios labat so panmamatalkan ko; sikatoy paniilaloan ko.

Saray Salmo 79:5

Katawan, ag la mangangga so pasnuk mod sikami? Mansiansian mandarlang a singa apoy so pasnuk mo?

Saray Salmo 79:6

Pampasnukan mo pa ray bansan ag mangigagalang ed sika, saray totoon ag mampipikasid sika.

Probirbio 20:22

Ag ka ombabales ed antokaman a maoges. Diad Katawan ka manmatalek, et tulongan to ka.

Kanta nen Solomon 8:6

Siak labat so arom; siak labat so lakap mo. Makapanyari tan mabiskeg a singa patey so aro. Onliuliub a singa pool.

Isaias 14:26

Sikato yay planok ed mundo; akaonat so taklay kon manusa ed saray bansa.”

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 34:2

Mamapasnuk so Katawan ed amin da ray bansa tan amin a sondalo ra. Sinintinsiaan to la ran napatey.

Isaias 63:6

Diad pasnuk ko ginagatinan ko ray amin a bansa tan tinetemek ko ra. Imbung kod dalin so dala ra.”

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Oseas 12:6

Kanyan natan, sikayon kabyangay boleg nen Jacob, manmatalek kayod Dios yo tan pawil kayod sikato. Mambilay kayon maaro tan matonung, tan anosan yoy manalagar ed antokaman a gawaen na Dios.

Joel 3:2

Tiponen kon amin iray bansa tan iyakar ko rad Patar na Sintinsia. Sintinsiaan ko rad man, lapud amin a ginagawa rad saray totook. Inkakayat dad saray arum a bansa iray Israelita tan inaapag day dalin kon Israel.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.

Mateo 25:32

Mantitipon ed satay amin a katoowan ed arap to. Pambibiigan to rad duaran grupo, a singa say pastol ya ibibiig to ray karniro ed saray kanding.

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

Puyan 16:1

Nadngel koy maksil a bosis a nanlapud timplo ya inkuantod saramay pitoran anghil, “Laka yo ta ikalbo yo lad mundo ray pitoran yaung a napnoy pasnuk na Dios!”

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.