Sofonias 3:6 - Maung A Balita Biblia

⁶ Say Katawan kuanto, “Pinaandik ya amin iray bansa; dineral ko ray siudad da tan tinaynan kon aderal-deral iray padir ta saray tori ra. Ataynan iray siudad; anggapoy onkitakitaw ed saray dalan—anggapoy anggan sakey a toon nakdaan.

Maung a Balita Biblia

⁶ Say Katawan kuanto, Pinaandik ya amin iray bansa; dineral ko ray siudad da tan tinaynan kon aderal-deral iray padir ta saray tori ra. Ataynan iray siudad; anggapoy onkitakitaw ed saray dalananggapoy anggan sakey a toon nakdaan.

Sofonias 3:6 Iomraidhean Croise

Isaias 14:26

Sikato yay planok ed mundo; akaonat so taklay kon manusa ed saray bansa.”

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Jeremias 9:12

Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Levitico 26:31

pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Sofonias 2:5

Pakaskasi kayo la, sikayon Filisteo a manaayam ed gilig na dayat. Sinintinsiaan kayo la na Katawan. Pateyen to kayo, et anggapo so nakeraan ya anggan sakey ed sikayo.

Zacarias 7:14

Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”

Mateo 23:38

Kanyan, natan, sigput a napaolyan so abung mo.

1 CORINTO 10:11

Agawgawa ra ya ed sikara pian napasakbayan iray arum, tan nisulat ira pian nabangatan itayo, ta mambibilay ti lad kaonuran a panaon.

1 CORINTO 10:6

Sarayan agawa et pamasakbay ed sikatayo, pian ag tayo pampilalekan iray bengatlan maoges, a singa impanpipilalek da,

Josue 23:4

Impabetang ko lad saray tribu yo so dalin na saray akeraan nin bansa; tan amin da ray bansan dinadakep ko la, manlapud Ilog na Jordan diad bokig ya anggad Dayat na Mediteraneo diad sagur.