Sofonias 3:2 - Maung A Balita Biblia

² Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Maung a Balita Biblia

² Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Sofonias 3:2 Iomraidhean Croise

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Saray Salmo 10:4

Say toon maoges ag to ikabkabilangan so Katawan; lapud panagpaatagey to iisipen ton singa anggapoy Dios.

Saray Salmo 50:17

Ag yo labay so pamepetek kod sikayo, ipopolisay yo ray ganggan ko.

Saray Salmo 73:28

Balet para siak, agaylay abig so maasingger ed Dios, say paiyagel ed Katawan a Dios; say pangibawag na amin a ginagawa to!

Saray Salmo 78:22

ta ag ira nanmatalek ed sikato tan ag ira anisia ya ilaban to ra.

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Probirbio 5:12

Ikuan ed satan na sinansakey ed sikayo, “Akin et ag ak balut akaaral? Akin et ag ko inabuloyan a peteken ak na siopaman?

Isaias 1:5

Akin et itutuloy moy onsumpa? Labay mon ompalaloy pakadusam? Israel, asugat-sugat lay olom, tan wala lay sakit na pusom tan say kanunotan mo.

Isaias 29:13

Inkuan na Katawan, “Igagalang da ak ira yan totoo diad panamegley na bibil da, balet arawdawid siak so puso ra. Say rilihion na sarayan totoo et say panagpatlep da labat ed saray abangonan tan saray totontonen ya impaakseb na too.

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 43:22

Say Katawan kuanto, “Balet sinmawa kad siak nen saman, Israel; ag mo ak inggalang.

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Jeremias 13:25

Inkuan na Katawan a sikato yay magmaliw a kapalaran yo; sikato yay ginetma ton gawaen ed sikayo, lapud nilingwanan yo tan nanmatalek kayod saray tila-tilan diriyos.

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 22:21

Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Jeremias 32:33

Imbeneg da ak; anggaman ya intutuloy koy pambangat ed sikara, ag ira ondengel tan makaaral.

Jeremias 35:17

Kanyan, siak, say Katawan a Makapanyarin-amin a Dios na Israel, iyakar kon amin iray insipan kon deral ed sikayo ran totood Juda tan Jerusalem. Gawaen ko ya, ta ag kayo dinmengel nen akisalita ak ed sikayo, tan ag yo ak inebatan nen tinawag ta kayo.”

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Ezekiel 22:24

Inkuanto, “Sika a toon ompatey, ibagam ed saray Israelita ya aliwan masanto so dalin da, kanyan dudusaen ko rad pasnuk ko.

Ezekiel 24:13

Jerusalem, dinotakan ka na ginagawam ya immoralidad. Anggaman a sinalik a linisan ta ka, nansiansia kan marotak. Ag ka magmaliw a malinis lamet ya anggad naliknam so sulit na pasnuk ko.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

2 Timoteo 3:16

Amin a Masanton Sulat et impuyan ira na Dios, tan makana ra ed pangibangat na katwaan, panimbawa, pametek, tan pangiwanwan ed malinis a panagbilay,

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.