Sofonias 2:9 - Maung A Balita Biblia

⁹ Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Maung a Balita Biblia

⁹ Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.

Sofonias 2:9 Iomraidhean Croise

Isaias 11:14

Mankakasakey ira ya ondogpa ed saray Filisteo diad sagur tan samsaman da ray totoon manaayam ed bokig. Dakepen da ray totood Edom tan Moab, tan onuren ira na saray totood Ammon.

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 49:18

Nengneng kad liber-liber ta imanom no antoy nagagawa! Mantitipon iray totoom—onsesempet la ra! No panon ya anggapoy duaruwa a siak so mabilay a Dios, ontan met a nikinon mo ray totoom; nikinon mo ran singa pangikinon na nubia ed saray alahas to.

Jeremias 46:18

Siak, a Katawan a Makapanyarin-amin, et ari. Siak so mabilay a Dios. Say biskeg na onsabin ondogpa ed sikayo et singa Palandey na Tabor ya atagey nen saray arum, tan singa Palandey na Carmelo a diad kinaatagey to et ososdungan toy dayat.

Jeremias 48:1

Sikato yay inkuan na Katawan a Makapanyarin-amin nipaakar ed Moab: “Kaskasian iray totoo ed Nebo— aderal so baley da! Adakep so Kiryataim, ageba so mabiskeg a tirinsira to, tan abaingan ed kababaingan iray totoo to;

Jeremias 49:1

Sikato yay inkuan na Katawan nipaakar ed Ammon: “Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Jeremias 49:18

Nagawa ed Edom so agawad Sodoma tan Gomorra nen aderal ira tan saray kaliber-liber dan baley. Anggapo lad may malabay a manayam. Siak, say Katawan, so nansalita.

Jeremias 49:33

Magmaliw ya ando lan andon andi-kakanaan a pasen so Hazor, sakey a pasen a saray asod katakelan labat so manaayam, tan anggapo lad may manayam a too. Siak, say Katawan, so nansalita.”

Jeremias 50:40

Nagawa met ed Babilonia so agawad Sodoma tan Gomorra nen dineral ko ra tan saray kaliber-liber dan baley. Anggapo lad may manayam anggan kapigan. Siak, say Katawan, so nansalita.

Amos 1:13

Say Katawan kuanto, “Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Amos 2:1

Say Katawan kuanto, “Nankakasalanan iray totoon taga Moab, kanyan andi-saew a dusaen ko ra. Ag da pinagalangan iray pokel na ari na Edom diad impamool dad sikara ya anggad dinmapol ira.

Sofonias 2:14

Magmaliw a sakey a pasen a pandokul-dokulan na saray karniro, baka, tan amin a klasiy ayayep. Manayam ed kawalaan da ray deral-deral iray kolayut tan ontaglool irad saray bintana. Manwakwak ed saray sasabiyen na puirta iray wawak. Naekal ed saray paalagey to iray tablan sidro.

Sofonias 2:7

Say dalin yo panayaman na saray taga Juda ya akapaliis ed patey. Ipastol da rad may karniro ra tan manogip irad saray kaabungan ed Ascalon. Asikasoen ira na Katawan a Dios da tan paaligwasen to ra lamet.

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.

Saray Bilang 14:21

Balet isipan ko a legan a mabilay ak tan legan a papanoen na kagalangan ko so mundo,

Saray Taga Roma 14:11

Ta ibabagay Masanton Sulat, “Dapot mabilay ak, kuay Katawan, mantalimukor ed arap ko so amin a pueg tan balang dila mandayew ed Dios.”

Deuteronomio 29:22

“Diad saray mantombuk a kailalakan saray kabyangay boleg yo tan saray sangkailin taga arawin dalin et nanengneng da ray deral tan saray kairapan ya impadalan na Katawan ed dalin yo.

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.