Sofonias 2:8 - Maung A Balita Biblia

⁸ Say Katawan a Makapanyarin-amin kuanto, “Nadngel kon saray totood Moab tan Ammon et babalawen tan leleglemewen da ray totook, tan matangtangsit iran mangibabaga a nalooban day dalin da.

Maung a Balita Biblia

⁸ Say Katawan a Makapanyarin-amin kuanto, Nadngel kon saray totood Moab tan Ammon et babalawen tan leleglemewen da ray totook, tan matangtangsit iran mangibabaga a nalooban day dalin da.

Sofonias 2:8 Iomraidhean Croise

Genesis 19:37

Nananak na laki may pangulowan, tan inngaran to na Moab; sikatoy sengeg ya anggad natan na saray Moabita.

Genesis 19:38

Nananak met na laki may yogtan, tan inngaran to na Benami; sikatoy sengeg ya anggad natan na saray Ammonita.

Isaias 15:1

Sikato yay propisiya a nipaakar ed Moab. Aderal a sanlabi iray siudad na Ar tan Kir, tan nakokobutan na bilonget so dalin na Moab.

Isaias 16:6

Saray totood Juda kuanda, “Nadngelan min ontan lay panagpaatagey da ray taga Moab. Amta mi a malastug tan anggapoy pangitaltalek da, balet andi-kana ya amin so ipapangaya ra.”

Jeremias 12:14

Say Katawan kuanto, “Walay ibagak nipaakar ed saray bansan maoges a kaabay na Israel. Sikaray nanderal ed dalin ya inter kod saray totook ya Israel. Pataynanen kon singa abagut a tanaman ira yan totoon maoges ed saray bansa ra, tan ekalen koy Juda ed pakaoley da.

Jeremias 48:1

Sikato yay inkuan na Katawan a Makapanyarin-amin nipaakar ed Moab: “Kaskasian iray totoo ed Nebo— aderal so baley da! Adakep so Kiryataim, ageba so mabiskeg a tirinsira to, tan abaingan ed kababaingan iray totoo to;

Jeremias 49:1

Sikato yay inkuan na Katawan nipaakar ed Ammon: “Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Saray Tagleey 3:61

“Nadngel moy panamabaing dad siak, O Katawan; amtam iray pankokomplut da sumpad siak.

Ezekiel 21:28

“Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: ‘Akaparaan lan maneral so sakey ya ispada; Apasileng a mamatey, onkidyam a singa kirmat.

Ezekiel 25:1

Say Katawan akisalitad siak.

Ezekiel 35:12

Diad satan, nakabatan mo a siak a Katawan et nadngel ko may mapaatagey mon impansalita a begtebegtew iray kapalandeyan na Israel tan nayarian mon gawaen so labalabay mo ed sikara.

Ezekiel 36:2

siak a Katawan a Dios: Saray kalaban na Israel kuanda, ‘Maung, anggan sarayan abaybayag lan kapokdulan et kayaryan tayo la ra!’

Amos 1:13

Say Katawan kuanto, “Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Amos 2:1

Say Katawan kuanto, “Nankakasalanan iray totoon taga Moab, kanyan andi-saew a dusaen ko ra. Ag da pinagalangan iray pokel na ari na Edom diad impamool dad sikara ya anggad dinmapol ira.

Sofonias 2:10

Onya so pakadusa na saray totood Moab tan Ammon lapud panagpaatagey da tan lapud pinapabaingan da ray totoo na Katawan a Makapanyarin-amin.

Josue 5:9

Inkuan na Katawan ed kinen Josue, “Natad sayan agew inekal kod sikayo so kababaingan yo lapud impakaaripen yod Egipto.” Sikato yay makasengeg ya atawag iman a pasen na Gilgal, anggad natan.