Sofonias 1:8 - Maung A Balita Biblia

⁸ Kuay Katawan, “Diad satan ya agew a pambagat, dusaen ko ray opisyal, saray lalakin anak na ari, tan amin da ray mangaalig na ogali na saray arum a bansa.

Maung a Balita Biblia

⁸ Kuay Katawan, Diad satan ya agew a pambagat, dusaen ko ray opisyal, saray lalakin anak na ari, tan amin da ray mangaalig na ogali na saray arum a bansa.

Sofonias 1:8 Iomraidhean Croise

2 Saray Arari 10:22

Ingganggan nen Jehu may parin makaoley ed saray masanton kawes ya ipaway to ra kawes, insan to ra iter ed saray manangigalang.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 2:6

O Dios, inkaindan mo ray totoom, saray kabyangay boleg nen Jacob! Ginawam so onya lapud say bansa et napno na saray managaniton salamangkiro a taga ra Bokig tan taga ra Filistia. Aaligen na saray totoo so ogali da ray taga arum a bansa.

Isaias 24:21

Onsabiy panaon a say Katawan et dusaen to ray pakayari ed tagey tan saray manoley ed tapew na dalin.

Isaias 39:7

Wala ray pigaran kakanayon mo a naala tan magmaliw iran yunuko a manlingkur ed palasio na ari na Babilonia.”

Habacuc 1:10

Luludlureyen da ray arari tan elek-elekan da ray atatagey ya opisyal. Anggapoy tirinsiran makapatondad sikara—mambubunton ira na dalin ed abay na tirinsira et nadadakep da.

Deuteronomio 22:5

“Saray bibii et ag ira nepeg a mansolung na kawes da ray lalaki, tan saray lalaki et ag ira nepeg a mansolung na kawes da ray bibii; kabosul na Dios iray totoon manggawa na ontan.