Sofonias 1:3 - Maung A Balita Biblia

³ amin a totoo tan amin ya ayayep, amin a manok tan amin a sira. Iyakar koy pakapelag da ray totoon maoges. Deralen koy amin a katoowan, et anggapon balut so nakeraan a mabilay. Siak, say Katawan, so nansalita.

Maung a Balita Biblia

³ amin a totoo tan amin ya ayayep, amin a manok tan amin a sira. Iyakar koy pakapelag da ray totoon maoges. Deralen koy amin a katoowan, et anggapon balut so nakeraan a mabilay. Siak, say Katawan, so nansalita.

Sofonias 1:3 Iomraidhean Croise

Genesis 6:7

inkuanto, “Paandipaten kod tapew na dalin ira yan totoo a pinalsak, saray ayayep, tan saray manok, ta maermen ak ed impamalsak ed sikara.”

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Isaias 6:12

Ibantak kod arawdawin pasen iray totoo tan nataynan so intiron dalin.

Jeremias 12:4

Kapigay itonda na sayan inkamagaay dalin mi, tan say inkalenes na karikaan ed kaalogan? Ompapatey iray ayayep tan saray manok, lapud kaogsan na saray totoon manaayam ed sayan dalin, ya ibabaga ra, ‘Ag nanenengneng na Dios so gagawaen mi.’”

Jeremias 50:3

“Sakey a bansa ed baybay so sinmabi lan ondogpa ed Babilonia, tan pagmaliwen ton andi-kakanaan a pasen. Ibatikan na saray totoo tan saray ayayep, tan anggapoy manayam diman.”

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Jeremias 9:10

Inkuanko, “Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.”

Ezekiel 44:12

Balet lapud impangulo ra nen saman so impangigalang na saray totood Israel ed saray talintaoy diriyos tan lapud saya inlagyat da ran nankasalanan, siak a Katawan a Dios; sasambaan ko a nepeg day dusaen.

Ezekiel 7:19

Ibanbantak dad saray dalan a singa dotak iray balituk tan saray pilak da, lapud ag ira nilaban na pilak odino balituk da no idapo na Katawan so pasnuk to. Ag da ra nikanan makapenek na nakaukolan da odino makapesel na narasan ya eges da. Say balituk tan say pilak so angipelag ed sikarad kasalanan.

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Oseas 4:3

Kanyan say dalin onkelang, tan ompatey ya amin iray manaayam. Ompatey ya amin iray ayayep, amin a manok, tan amin a sira.”

Zacarias 13:2

Diad satan a panaon ekalen kod bansa so kangaranan da ray talintaoy diriyos, et anggapo lay siopaman a makanunot ed sikara. Paekalen kod dalin so siopaman a mangibagan sikato et propita tan ekalen koy pampilalek da ray totoo ed pangigalang ed saray talintaoy diriyos.

Mateo 13:41

Ibaki na Anak na Too ray anghil to tan tiponen da, manlapud Panarian to, iray amin a totoon panlalapway kasalanan tan amin iray totoon manggagaway kaogsan.

Mateo 23:39

Kuankod sikayo, a manlapud natan, ag yo ak la nanengneng a balut ya anggad pangibaga yoy ‘Bindisionay Dios so onsabid ngaray Katawan.’”

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.