Sofonias 1:16 - Maung A Balita Biblia

¹⁶ sakey ya agew ya apaknul iray trumpitan manawag na bakal, tan maneyaeyag iray sondalon ondodogpad saray padir na siudad tan saray atatagey a tori.

Maung a Balita Biblia

¹⁶ sakey ya agew ya apaknul iray trumpitan manawag na bakal, tan maneyaeyag iray sondalon ondodogpad saray padir na siudad tan saray atatagey a tori.

Sofonias 1:16 Iomraidhean Croise

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 32:14

Nataynan so anggan palasio tan magmaliw a sigput a begtebegtew so anggan manonan siudad. Naderal ed ando lan ando iray kaabungan tan saray torin panagguardiaan. Manakar-akar diman iray asnod katakelan, tan mankabkab irad may karniro.

Isaias 59:10

tan solingsoling itayon singa tayo bulag. Nipapatakba itayo anggan kagkaagwan; singa itayo manaakar ed labi, singa tayo walad ambilonget a pasen a panaayaman da ray inaatey.

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Jeremias 8:16

Wala lad siudad na Dan iray kalaban tayo; narerengel tayo so ariba na saray kabayoy kalaban tayo. Manggiwgiw lay intiron bansa no manaringing iray kabayo ra. Sinmabi la ran manderal na dalin tayo tan amin a logan to, manderal na siudad tayo tan saray totoon manaayam.”

Ezekiel 7:7

Onsasabi lay pangangga yon totoo a manaayam ed dalin na Israel. Asingger lay isabi na panaon a gewgew labat so nagawa ed saray paganon panagdayewan ed toktok na palandey; anggapo lad satan so narengel a tanul na panliliket.

Oseas 5:8

Sibuk yod Gabaa iray trumpitan panawag na bakal! Paknul yod Rama so pamasakbay. Iyeyag yo ed Bet-haven so para bakal! Lalaki a taga Benjamin, dogpa kayo lan mibakal!

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Joel 2:1

Paknul yoy trumpita; paknul yod Sion a masanton palandey na Dios so pamasakbay. Giwgiw kayo, sikayon totood Juda! Magano lan onsabiy agew na Katawan.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Habacuc 3:6

No sikatoy ontonda, nayegyeg so mundo; diad ilinggis to onggiwgiw iray bansa. Abuybuyak iray andi-anggaan a kapalandeyan; linmereg iray ag manganggan kapokdulan, saray kapokdulan a nanaakaran to ra nen saman.

Deuteronomio 28:52

Dogpaan day amin a baley ed dalin ya iiter ed sikayo na Katawan a Dios yo, tan nageba ray atatagey a padir a panmamatalkan yo.

Josue 6:20

Kanyan pinaknul na saray papari iray trumpita. Kadngel ed saya na saray totoo, inmeyaeyag ira, et ageba ray padir. Insan amin a sondalo kinmalab irad siudad, et adakep da.