Sofonias 1:14 - Maung A Balita Biblia

¹⁴ Asingger lan onsabi so baleg ya agew na Katawan—magano la tan masigsiglat ya onsasabi! Makapasinagem itan ya agew, ta anggan saray sankasebegan a sondalo et onakis ira na ampaipait!

Maung a Balita Biblia

¹⁴ Asingger lan onsabi so baleg ya agew na Katawanmagano la tan masigsiglat ya onsasabi! Makapasinagem itan ya agew, ta anggan saray sankasebegan a sondalo et onakis ira na ampaipait!

Sofonias 1:14 Iomraidhean Croise

Isaias 15:4

Manaakis iray totood Hesbon tan Eleale, tan narengel anggad Jahaz so ogaog da. Anggan saray sondalo et manggiwgiw ira; nakalan la ray biskeg na linawa.

Isaias 33:7

Ontatawag na tulong iray masesebeg a totoo. Manakakis na ampaipait iray nibakin mitongtong a nipaakar ed kiwalay kareenan.

Isaias 66:6

Dengel kayo! Saman a baleg a tanul ed siudad, saman ya eyag ed Timplo et eyag na Katawan a manudusa ed saray kalaban to!

Isaias 8:22

odino onnengneng irad dalin, balet anggapoy arum a nanengneng da no ag say gunigon tan kabilongetan, say makapataktakot a kabilongetan ya akaibantakan da.

Jeremias 25:36

Manayay tan onaakis kayo lapud kaermenan, ta dineral na Katawan so bansa yo diad pasnuk to tan tinaynan ton aderal-deral so bansa yon panaariay kareenan.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Jeremias 48:41

tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Ezekiel 12:23

Natan ibagam ed saray totoo so ibagak nipaakar ed saman, siak a Katawan a Dios. Pansamputen ko la man a probirbio. Ag la man naolit ya ibaga na saray Israelita. Ingen ibagam ed sikara: Sinmabi lay panaon, tan nasusumpal la ray pasakbay!

Ezekiel 30:3

Asingger la so agew, say agew ya onggalaw so Katawan, Say agew a malorem tan magunigon iray bansa.

Ezekiel 7:12

Onsasabi lay panaon na golo. Asingger lay agew ya anggapoy kabaliksan na panlako tan pansaliw, lapud nampaparan dusaen na Dios so balang sakey a too.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Joel 1:15

Asingger lay agew na KATAWAN, say agew ya iyakar na Makapanyarin-amin so deral. Makapataktakot yan agew!

Joel 2:1

Paknul yoy trumpita; paknul yod Sion a masanton palandey na Dios so pamasakbay. Giwgiw kayo, sikayon totood Juda! Magano lan onsabiy agew na Katawan.

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Joel 3:14

Nilibon totoo iray walad Patar na Sintinsia. Diman so sabian naani na Agew na Katawan.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Amos 8:2

Tinepet na Katawan, “Amos, antoy nanenengneng mo?” “Sakey a baskit a napno na saray prutas.” ebat ko. Say Katawan kuantod siak, “Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.

Sofonias 1:10

“Diad satan ya agew,” kuay Katawan, “narengel yoy akisan ed Puirta na Sira ed Jerusalem. Narengel yoy panogaogan ed balo-balon parti na siudad tan say baleg ya ungol na katebag na kapokdulan.

Sofonias 1:7

Asingger lay isabi na agew ya onyorung a manintinsia so Katawan, kanyan mandeen kayo ed arap to. Ipaparaan na Katawan ya ibagat iray totoo to tan binagaan to ray kalaban a manamsam ed kayamanan na Juda.

Malakias 4:5

“Balet kasakbayan na isabi na baleg tan makapataktakot ya agew na Katawan, ibakik ed sikayo si propita Elias.

Saray Gawgawa 2:20

ombilonget so agew, tan ombalangan singa dala so bulan, kasakbayan ya onsabiy Agew matalona tan mablin Agew na Katawan.

FILIPOS 4:5

Ipanengneng yoy kaabigay linawa yod amin a katoowan. Magano lan onsabiy Katawan.

1 TESALONICA 4:16

Diad satan ya agew, say dilin Katawan onakseb a manlapud tawen a kabansag toy sakey a nieyag a ganggan, bosis na arkanghil, tan say tanul na trumpitay Dios. Saray inaatey a mananisiad Cristo onona ran onolid bilay.

Saray Hebreo 12:26

Diad saman a panaon, niyegyeg na bosis toy dalin, balet insipan to natan, “Maminsan nin yegyegen ko, tan aliwa labat a say dalin no ag pati say tawen.”

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!