Sofonias 1:10 - Maung A Balita Biblia

¹⁰ “Diad satan ya agew,” kuay Katawan, “narengel yoy akisan ed Puirta na Sira ed Jerusalem. Narengel yoy panogaogan ed balo-balon parti na siudad tan say baleg ya ungol na katebag na kapokdulan.

Maung a Balita Biblia

¹⁰ Diad satan ya agew, kuay Katawan, narengel yoy akisan ed Puirta na Sira ed Jerusalem. Narengel yoy panogaogan ed balo-balon parti na siudad tan say baleg ya ungol na katebag na kapokdulan.

Sofonias 1:10 Iomraidhean Croise

2 Samuel 5:7

Balet dinakep nen David so tirinsira na Sion, kanyan nagmaliw ya atawag na “Siudad nen David.”)

2 Samuel 5:9

Kayarin adakep so tirinsira, nanayaman nen David tan inngaran to na “Siudad nen David.” Impaalagey toy siudad ed kaliber-liber na tirinsira; inggapo tod pasen a tinabonan diad bokig na pokdul.

2 Saray Arari 22:14

Di Helcias, Ahicam, Acbor, Safan tan Asaya et linma ran angipanon ed sakey a biin manngaran na Hulda, sakey a propita a manaayam ed balo nin kabyangan na Jerusalem. (Say asawa to yan bii a si Sallum ya anak nen Tocat tan apo nen Hasra et sikatoy makaoley ed saray kawes ya isosolung na saray papari no manlingkur irad Timplo.) Imbaga rad kinen Hulda iray agawa,

2 Saray Awaran 3:1

Inggapo nen Ari Solomon ya impaalagey so Timplo na Katawan ed Jerusalem diad tapew na Palandey na Moria, a diay pinayawaran na Katawan ed kinen Ari David ya ama nen Solomon. Imparaan la ya nen David a pasen, a sikato ya may kawalaan na panagilikan nen Arauna a Jebuseo.

2 Saray Awaran 32:22

Onya so impangyagel na Katawan ed kinen Ari Ezekias tan saray totood Jerusalem ed pakayari nen Senakerib ya impirador na Asiria, tan dia met ed pakayari na arum a kalaban da. Impanari na Katawan so kareenan ed amin a pasen.

2 Saray Awaran 33:14

Kayari to ya, pinaatagey nen Manases so padir a walad bandad paway diad nibokig na Siudad nen David manlapud sakey a pasen ed patar ya asingger ed Sobul na Gihon diad baybay na Puirtay Sira tan diad Ofel a sakop na siudad. Angipasen met na opisyal na saray sondalo ed balang siudad ya aliber na padir.

2 Saray Awaran 34:22

Lapud ganggan na ari, si Hilcias tan saray arum et linma ran angipanon ed sakey a biin manngaran na Hulda, sakey a propita a manaayam ed balo nin kabyangan na Jerusalem. (Say asawa to yan bii a si Sallum ya anak nen Tocat tan apo nen Hasra et sikatoy makaoley ed saray kawes ya isosolung na saray papari no manlingkur irad Timplo.) Imbaga rad kinen Hulda iray agawa,

Nehemias 12:39

manlapud man intuloy miy kurang mi insan nilabasan mi so Puirta nen Efraim, Puirta na Jesana, Puirta na Sira, Tori nen Hananel, tan say Tori na Sanlasus. Nilabasan mi met so Puirta na Karniro insan kami la tinmonda ed Puirta na Guardia.

Nehemias 3:3

Impaalagey na saray kabyangay boleg nen Hasenaa so Puirta na Sira. Inlira da ray panuksolan tan saray puirta, insan da inyan iray balewet a pangisarad puirta.

Isaias 59:11

Ataktakot tan maerermen itayo. Pampipirawatan tayon say Dios ilaban to itayod kakairapan tan kalalames tayo, balet anggapoy naalagar tayo.

Jeremias 39:2

Nen kumasiam ya agew na kumapat a bulan na kumalabinsakey a taon na panaari nen Sedekias, ageba ray padir na siudad. (

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, “Pangaskasiyan ak! Onsasabi la ran mamatey ed siak!”

Ezekiel 6:13

Saray bangkay et nataytayak irad saray kawalaan da ray talintaoy diriyos tan diad kaliber-liber na saray altar, nataytayak irad balang pokdul, diad toktok na balang palandey, diad silong na balang masalumpapak a kiew tan balang ankabaleg a kiew a robli, tan diad balang pasen a pampopoolan dad saray ayayep a bagat ed saray talintao ra. Diad satan naamtaan dan amin a siak so Katawan.

Amos 8:3

Diad satan ya agew saray kansion ed palasio et magmaliw a panagugol lapud ermen. Kitongilang ed satan iray bangkay ed anggan iner a pasen. Ibantak da ran anggapoy eseesel.”

Sofonias 1:15

Sakey ya agew na sanuk, agew na gunigon tan kaermenan, agew na deral tan bagbag, agew ya ambilonget tan mayemyem, agew ya andeket tan malorem,

Sofonias 1:7

Asingger lay isabi na agew ya onyorung a manintinsia so Katawan, kanyan mandeen kayo ed arap to. Ipaparaan na Katawan ya ibagat iray totoo to tan binagaan to ray kalaban a manamsam ed kayamanan na Juda.