Sofonias 1:1 - Maung A Balita Biblia

¹ Sikato yay salita ya inter na Katawan ed kinen Sofonias legan na panaon ya arid Juda si Josias a lakin anak nen Amon. (Si Sofonias et anak nen Cusi tan apo nen Gedalias. Si Gedalias et anak nen Amarias tan si Amarias anak nen Ari Ezekias.)

Maung a Balita Biblia

¹ Sikato yay salita ya inter na Katawan ed kinen Sofonias legan na panaon ya arid Juda si Josias a lakin anan nen Amon. (Si Sofonias et anak nen Cusi tan apo nen Gedalias. Si Gedalias et anak nen Amarias tan si Amarias anak nen Ari Ezekias.)

Sofonias 1:1 Iomraidhean Croise

2 Saray Arari 21:18

Inatey si Manases, nipompon ed tanamanan ed palasio, say tanamanan na Uza, insan sinmalat ed sikaton nanari si Amon a lakin anak to.

2 Saray Arari 21:26

Nipompon si Amon ed lobuk diad tanamanan na Uza, insan sinmalat ed sikaton nanari si Josias a lakin anak to.

2 Saray Awaran 33:20

Inatey si Manases tan nipompon ed palasio, insan si Amon a lakin anak to so sinmalat ed sikaton nanari.

Jeremias 1:2

Akisalitay Katawan ed kinen Jeremias nen kumalabintaloy taon na panaarid Juda nen Josias a lakin anak nen Amon.

Jeremias 22:11

Say Katawan kuanto nipaakar ed kinen Joacaz a lakin anak nen Josias, a sikatoy sinmalat ed kinen ama to a manari ed Juda, “Tinmaynan ed sayan pasen tan ag lan balut ompawil.

Jeremias 25:3

“Diad loob na duamplo tan taloy taon, nanlapu lad kumalabintalon taon na panaarid Juda nen Josias a lakin anak nen Amon ya anggad natan, nansasalitad siak so Katawan tan intutuloy kon imbagad sikayo so sinalita to. Balet ag yo inasasikaso.

Ezekiel 1:3

Diman ed Babilonia diad gilig na Ilog na Kebar, nadngel koy Katawan ya akisalitad siak, tan aliknak so pakayari to.

Oseas 1:1

Sikato yay sinalita na Katawan ed kinen Oseas a lakin anak nen Beeri legan na panaon na impanarid Juda di Uzias, Jotam, Acaz, tan Ezekias, tan si Jeroboam a lakin anak nen Joas so arid Israel.

2 Timoteo 3:16

Amin a Masanton Sulat et impuyan ira na Dios, tan makana ra ed pangibangat na katwaan, panimbawa, pametek, tan pangiwanwan ed malinis a panagbilay,

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.