Saray Tagleey 5:1 - Maung A Balita Biblia

¹ Nudnunot mo pay asumpalan mi, O Katawan. Nengneng mo kami pa, tan imanom so inkaplag mid kababaingan.

Maung a Balita Biblia

¹ Nudnunot mo pay asumpalan mi, O Katawan. Nengneng mo kami pa, tan imanom so inkaplag mid kababaingan.

Saray Tagleey 5:1 Iomraidhean Croise

Nehemias 1:3

Imbaga rad siak a baleg so paniirap da ray akaligtar tan akapawil lad baley da; memelag-melagen met ira na saray totoon sangkaili a manaayam ed kaliber-liber da. Imbaga ra met ed siak ya ageba ni ray padir na Jerusalem tan ag ni apasimbalon nipaalagey iray puirtan apoolan.

Nehemias 1:8

Nunot mo pa may inkuanmod kinen Moises: ‘No aliwa kayon matoor ed siak, sikayon totood Israel, itaytayak ta kayod arum a bansa.

Nehemias 4:4

Nampikasi ak, “O Dios, dengel mo pay panluludlurey dad sikami. Ompoktal komun ed sikara so panluludlurey dad sikami. Nasamsam komun ya amin iray kayaryan da, nadakep tan niakar irad sananey a bansa.

Say Libro nen Job 10:9

Nunot mo a pinalsa mo ak ed pitek; pagmaliwen mo ak kasi a dabuk lamet?

Say Libro nen Job 7:7

Nudnunot mo, O Dios, a singa labat ingas so bilay ko; nansamput lay liket ko.

Saray Salmo 119:153

Imanom pay paniirap ko, tan ilaban mo ak, ta ag ko inkaindan so ganggan mo.

Saray Salmo 74:18

Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Saray Salmo 79:12

Katawan, bales mo pan mamimpito iray arum a bansa, lapud saray impanpapabaing dad sika.

Saray Salmo 79:4

Luludlureyen da kami ray kakaabay min bansa; elek-elekan tan balbalawen da kami.

Isaias 62:6

Angipasen ak ed tapew na saray padir mo, Jerusalem, na saray bantay; Nepeg ya agew labi ran ag balut ondeen. Nepeg ya ipanunot dad Katawan iray sipan to Tan ag da ipalingwan ed Katawan.

Jeremias 15:15

Insan inkuanko, “Katawan, natatalusan mo. Nunot mo ak pa tan tulongan mo ak. Sika pa lay ombales ed saray mamapairap ed siak. Ag mo la ra aanosan, pian ag da ak napatey. Nunot mo a sikay makasengeg na panaakok na kababaingan.

Jeremias 51:51

Kuanyo, ‘Naplag kamid kababaingan tan apabaingan kami; sigput ya apanbanday kami lapud saray taga arum a bansa et sinmalin irad saray masanton pasen ed Timplo.’

Saray Tagleey 1:11

Manayay iray totoo to legan dan manaanap na naakan da; Isasalat dad nakan so kayamanan da, pian napabiskeg ira. “Imano mo ak, Katawan,” eyag na siudad; “nengneng mo pay pangaskasiyan a kipapasen ko.”

Saray Tagleey 1:20

“Nengneng mo ak pa, O Katawan, ta nagugunigon ak; maguloy kamarerwak! Ngalngali ombetag so pagew kod ermen lapud nankakasalanan ak. Wala ray pateyan ed daladalan, tan anggan diad dalem na kaabungan walay patey.

Saray Tagleey 1:9

Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Saray Tagleey 3:19

Ampait ya apgo so pakanunot kod kairapan a liliknaen ko, tan say inkaandian koy abung.

Saray Tagleey 3:50

Ya anggad osdungan a nengnengen itayo na Katawan a walad tawen.

Saray Tagleey 3:61

“Nadngel moy panamabaing dad siak, O Katawan; amtam iray pankokomplut da sumpad siak.

Habacuc 3:2

O Katawan, nadngelan ko so ginagawam, et mapalaloy pankelaw ko. Diad sayan panaon mi gawam pa natan ira may makapakelaw a ginagawam nen saman. Mangasi ka pa, anggan mamapasnuk ka.

Lucas 23:42

Insan inkuantod kinen Jesus, “Nunot mo ak, Jesus, no kasabim ed Panarian mo!”