Saray Tagleey 3:52 - Maung A Balita Biblia

⁵² “Singa ak manok ya apatitan na saray kalaban kon mamobosul ed siak anggaman ya anggapoy makasengeg.

Maung a Balita Biblia

⁵² Singa ak manok ya apatitan na saray kalaban kon mamobosul ed siak anggaman ya anggapoy makasengeg.

Saray Tagleey 3:52 Iomraidhean Croise

Saray Salmo 109:3

tan maoges iray ibabaga ra nipaakar ed siak; dodogpaan da ak ya anggan anggapoy makasengeg.

Saray Salmo 11:1

Say Katawan so sasalimbengan ko. Panoy pangibaga na siopaman ed siak, “Tikyab kan singa manok ed kapalandeyan,

Saray Salmo 119:161

Saray makapanyarin totoo papairapen da ak ya anggan anggapoy makasengeg, balet papagalangan koy ganggan mo.

Saray Salmo 124:7

Akabatik itayon singa manok a nablus ed patit; apultot so patit, tan nablus itayo!

Saray Salmo 35:19

Ag mo iyaabuloy a saray kalaban ko, saraman a matitila, et elek-elekan day inkatalok; Ag mo pa met iyaabuloy a saray mamobosul ed siak ya anggapoy makasengeg et ludlureyen day impanermen ko.

Saray Salmo 35:7

Anggan anggapoy makasengeg, pinatitan da ak tan angotkot iray aralem ya abut a pangerel dad siak.

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Jeremias 37:18

Insan tinepet ko, “Antoy kasalanan kod sika, odino diad saray opisyal mo, odino diad saray totoom a makasengeg na pangipiprisoan mod siak?

Saray Tagleey 3:51

Nanaermenay pusok diad pakanengneng kod nansumpalan da ray bibii ed siudad.

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’