Saray Tagleey 2:9 - Maung A Balita Biblia

⁹ Atabun-tabunan la na saray deral-deral iray puirta tan apoter-poter iray tarangka ra. Nibantak ed arum a bansa so ari tan saray prinsipi. Ag la nibabangat so Ganggan, tan anggapo lay nanaawat na saray propita a pasingayew a manlalapud Katawan.

Maung a Balita Biblia

⁹ Atabun-tabunan la na saray deral-deral iray puirta tan apoter-poter iray tarangka ra. Nibantak ed arum a bansa so ari tan saray prinsipi. Ag la nibabangat so Ganggan, tan anggapo lay nanaawat na saray propita a pasingayew a manlalapud Katawan.

Saray Tagleey 2:9 Iomraidhean Croise

2 Saray Arari 25:7

Diad arap nen Sedekias so amateyan ed saray anak ton lalaki; insan impasokit nen Nabucodonosor iray mata to, impagolunggolungan to, tan impaiyakar tod Babilonia.

2 Saray Awaran 15:3

Abaybayag lan panaon a nambilay so Israel ya anggapoy tua a Dios to, anggapo ray papari a mambangat ed sikara, tan anggapoy ganggan.

Nehemias 1:3

Imbaga rad siak a baleg so paniirap da ray akaligtar tan akapawil lad baley da; memelag-melagen met ira na saray totoon sangkaili a manaayam ed kaliber-liber da. Imbaga ra met ed siak ya ageba ni ray padir na Jerusalem tan ag ni apasimbalon nipaalagey iray puirtan apoolan.

Saray Salmo 74:9

Naandipat lan amin iray masanton tanda mi; anggapo lay atilak a propita, et anggapoy makaamta no kapigan mansumpal ya.

Isaias 24:12

Aderal-deral lay siudad tan nigeba la ray puirta to.

Jeremias 14:14

Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.

Jeremias 23:16

Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Jeremias 39:2

Nen kumasiam ya agew na kumapat a bulan na kumalabinsakey a taon na panaari nen Sedekias, ageba ray padir na siudad. (

Jeremias 39:8

Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Jeremias 51:30

Tinondaan la na saray sondalo na Babilonia so mibakal tan nanayam la rad tirinsira ra. Nakalan iray biskeg na linawa, tan nagmaliw iran singa bibii. Ageba ray puirta na siudad tan apoolan iray kaabungan.

Jeremias 52:14

tan ginegeba na saray sondalo to so padir na siudad.

Saray Tagleey 1:3

Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Saray Tagleey 4:15

“Arawi kayo!” eyag da ray totoo. “Marotak kayo! Ag yo kami didiwiten!” Kanyan nanakar-akar irad saray bansa, ta anggapoy malabay a mamatuloy ed sikara.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Ezekiel 12:13

Balet sabokulan kon erelen. Insan ko iyakar ed siudad na Babilonia a diman ompatey ya ag to nanengneng imay siudad.

Ezekiel 17:20

Isabokul koy iket na umaanup ta erelen ko. Iyakar ko ed Babilonia tan dusaen kod man, lapud aliwan matoor ed siak.

Ezekiel 7:26

Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Oseas 11:6

Ondalan ed saray siudad da so bakal tan nageba ray puirta na siudad da. Deralen na bakal iray totook lapud gagawaen da so abaloan dan sankamaungan.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Amos 1:5

Gaygayen ko ray puirta na siudad na Damasco tan paekalen ko ray totoon manaayam ed Patar na Aven tan say manoley na Bet-eden. Naalan priso ed dalin na Kir iray totoon taga Siria.”

Deuteronomio 28:36

“Say Katawan iyakar to kayo tan say ari yo ed sakey a bansa ya ag yo ni nanayaman nen saman, sikayo o saray lalaki yo; manlingkur kayod man ed saray diriyos a kiew tan saray diriyos a bato.

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.