Saray Tagleey 2:8 - Maung A Balita Biblia

⁸ Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

Maung a Balita Biblia

⁸ Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

Saray Tagleey 2:8 Iomraidhean Croise

2 Samuel 8:2

Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

2 Saray Arari 21:13

Dusaen koy Jerusalem a singa ginawak ed Samaria, a singa ginawak ed kinen Ari Acab na Israel tan saray kabyangay boleg to. Pataynanen ko ray totood Jerusalem, et magmaliw a malinis a singa platon pinonasan tan impatikleb.

Say Libro nen Job 13:21

Tondaan mo ak lan dusaen, tan ag mo ak la tataktakoten.

Isaias 22:5

Sikato yay panaon na gunigon, katalo, tan gewgew ed Patar na Pasingayew, et say Katawan a Dios a Makapanyarin-amin so angyakar na saraya ed sikatayo. Ageba-geba ray padir na siudad tayo, tan makmakbaw ed kapokdulan so tawag na katoowan ya onkekerew na tulong.

Isaias 28:17

Say inkatonung so mitro a panukat ed samay pundasion, tan say kaptekan so patawin to.” Say oran a kristal so mangyanur ed saray tilan panmamatalkan yo, tan deralen na delap so salimbengan yo.

Isaias 3:26

Manermen tan manakis iray puirta na siudad, tan say dilin siudad magmaliw a singa biin labus-lakseb a manyodyorung ed dalin.

Isaias 34:11

Saray kulayot tan saray wawak la so onsalat a manayam ed saman a dalin. Say Katawan pagmaliwen ton bunton na deral-deral tan kitongilang ya amiy ganagana.

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Jeremias 14:2

“Say Juda et walad kaermenan, ompapatey iray siudad to, mandokdokul ed dalin iray totoo to lapud kaermenan, tan onkekerew na tulong so Jerusalem.

Jeremias 5:10

Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga, ta ag ko kayaryan ira man a sanga-sanga.

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Saray Tagleey 2:18

O Jerusalem, patawag mo na maksil ed Katawan iray padir mo! Paagos mon singa ilog so luam ed agew tan labi; Manakis tan manermen ka lawas ya anggad ikapoy mo.

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Saray Tagleey 2:5

Nagmaliw a singa sakey a kalaban so Katawan, dineral toy Israel; Dinederal to ray tirinsira tan saray palasio na Israel. Angiter na ag manganggan kaermenan ed saray totood Juda.

Ezekiel 20:22

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.