Saray Tagleey 2:6 - Maung A Balita Biblia

⁶ Minekmek toy Timplo ya angigalangan mid sikato; Pinatonda to ray masanton agew tan saray Agew na Panagpainawa. Ari may pari, alikna ray biskeg na petang na olo to.

Maung a Balita Biblia

⁶ Minekmek toy Timplo ya angigalangan mid sikato; Pinatonda to ray masanton agew tan saray Agew na Panagpainawa. Ari may pari, alikna ray biskeg na petang na olo to.

Saray Tagleey 2:6 Iomraidhean Croise

Saray Salmo 74:7

Dineral tan pinoolan day Timplom; ag da pinagalangan so pasen a pangigagalangan ed sika.

Saray Salmo 76:2

Walad Jerusalem so abung to; manaayam ed Palandey na Sion.

Saray Salmo 80:12

Akin et tinebag mo ray padir ed kaliber-liber to? Kanyan natan, amin da ray onlalabas et natakew da ray bunga to;

Saray Salmo 89:40

Ginebam iray padir na siudad to, tan dineral mo ray tirinsira to.

Isaias 1:13

Andi-kakanaan so mangawit na saray bagat yo. Nanaingungotan ak lad balingit na insinson ibabagat yo. Ag ko la naanosan iray Balon Bulan a Pista yo, saray Agew na Panagpainawa yo, saray masanton panagtipon yo; nagmaliw iran andi-kakanaan lapud saray kasalanan yo.

Isaias 1:8

Jerusalem labat so nakdaan ya aliktub a siudad—singa la ag makapangyagel a bantayan ya abung ed kaubasan odino alolung ed alog na kamilonan.

Isaias 43:28

tan saray manoley mo impagmaliw dan andi-kakanaan a pasen so santuariok. Lapud saya dineral koy Israel; inyabuloy kon napabaingan iray dilin totook.”

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Isaias 63:18

Sikami ran masanton totoom et apataynan kami ya agano na saray kalaban mi; ginagatinan day santuariom.

Isaias 64:11

tan aderal na apoy so Timplo mi, say masanto tan marakep a pasen ya angidayewan ed sika nen saman na saray lalaki mi. Aderal-deral ya amin iray pasen ya inararo mi nen saman.

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Jeremias 42:18

“Say Katawan a Dios na Israel kuanto, ‘No panoy impamasnuk kod saray totood Jerusalem, ontan met so pamasnuk kod sikayo, no onla kayod Egipto. Magmaliw kayon makapagiwgiw a nengnengen; ludlureyen kayo na saray totoo tan ikana ray ngaran yo a sakey a samba. Ag yo lan balut nanengneng yan pasen.’”

Jeremias 45:4

“Balet siak a Katawan, babagbagen ko so impaalagey ko tan babaguten ko so intanem ko. Gawaen ko ya ed intiron mundo.

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Saray Tagleey 1:4

Anggapo la natan so oonlad Timplo a mangigalang no agew iran masanto. Saray bibiin kumakantad man et maniirap ira tan manayay labat iray papari. Begtebegtew la ray puirtay siudad tan pangasikasiyan so Sion.

Saray Tagleey 4:16

Anggapo lay pannunot na Katawan ed sikara; sikaton diliy angikaykayat ed sikara. Anggapo lay panagasasikaso tod saray papari tan saray pangulo tayo.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Saray Tagleey 5:12

Narel tan nibitay iray pangulo mi; ag da inggalang iray mamatakken mi.

Ezekiel 17:18

Sinumlang toy sinambaan to tan say impipaknaan to. Ginawa to ra yan amin, kanyan natan ag makabatik.”

Levitico 26:31

pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Sofonias 3:18

manliket a singa saray totoon manliliket ed pista.” Say Katawan kuanto, “Pinatondak lay tatakotan yon dusa tan inekal koy inkaplag yod kababaingan.

Malakias 2:9

Kanyan abuloyan kon balawen kayo na saray totood Israel lapud ag yo oonuren so linawak, tan no bangatan yo ray totook wala ray lalabien yo.”