Saray Tagleey 2:22 - Maung A Balita Biblia

²² Tinawag mo ray kalaban ko, ta manggawa ray makapataktakot a doypowan ed kaliber-liber ko. Anggapoy makapaliis no agew na pasnuk mo. Saray kalaban pinapatey da ray pinapabaleg ko tan inararok ya anak.

Maung a Balita Biblia

²² Tinawag mo ray kalaban ko, ta manggawa ray makapataktakot a doypowan ed kaliber-liber ko. Anggapoy makapaliis no agew na pasnuk mo. Saray kalaban pinapatey da ray pinapabaleg ko tan inararok ya anak.

Saray Tagleey 2:22 Iomraidhean Croise

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Saray Salmo 31:13

Narerengel koy esaesan da ray amayamay a kalaban ko; makapataktakot so walad kaliber-liber ko. Iplaplano ray ilaban dad siak, mankokomplut iran mamatey ed siak.

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Jeremias 11:11

Lapud saya, siak, say Katawan, papasakbayan ko ra a deralen ko ra tan ag ira makabatik. Tan no sikaray onkerew na tulong ed siak, ag ko ra dengelen.

Jeremias 14:19

Katawan, sigput so impangipolisay mod saray totood Juda? Kabosul mo ray totood Sion? Akin et mapalaloy impanugat mod sikami, kanyan ag kami la naabigan? Nampilalekan min nagamuray kareenan, balet anggapoy maabig a sinmabi; inilaloan min onabig kami, balet makapasinagem lalaingey sinmabi.

Jeremias 20:3

Diad kaimbuas, nen impaokbaran ak la nen Pasur, inkuankod sikato, “Aliwan Pasur so impangingaran na Katawan ed sika. Initdan to ka na ngaran a ‘Makapataktakot ed Anggan Iner a Pasen.’

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 44:7

“Kanyan siak, say Katawan a Makapanyarin-amin a Dios na Israel, tetepeten kod sikayo natan no akin et gagawaen yod sikayon dili ira yan kaogsan. Labay yon onsabiy deral ed saray lalaki, bibii, saray anak tan saray ogogaw, pian anggapoy nakeraan ed sikayo?

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Jeremias 6:25

Ag kami la oonlad kaalogan odino manaakar ed saray dalan, lapud akaarmas iray kalaban mi tan makapataktakot so walad kaliber-liber mi.”

Deuteronomio 28:18

“Say Katawan isamba to kayo diad pangiter tod sikayo na daiset ya anak, makapoy a bunga na saray tanaman, tan daiset a baka tan karniro.