Saray Tagleey 2:21 - Maung A Balita Biblia

²¹ Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Maung a Balita Biblia

²¹ Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Saray Tagleey 2:21 Iomraidhean Croise

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Ester 3:13

Sayan sulat et inyakar na saray ibabaki ed balang luyag na nanarian. Ibabaga na samay ganggan a pateyen ya amin iray Judio—malangwer may matakken, bibii may ogogaw—ed sakey ya agew, say kumalabintalon agew na Adar. Pateyen iran andi-panangasi tan alaen iray kayaryan da.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Jeremias 11:22

Kanyan inkuan na Katawan a Makapanyarin-amin, “Dusaen ko ra! Napatey ed bakal iray lalakin tobun-balo ra; ompatey ed eras iray anak da.

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, “Pangaskasiyan ak! Onsasabi la ran mamatey ed siak!”

Jeremias 51:22

nampapatey ed saray lalaki tan saray bibii, nampapatey ed saray mamatakken tan saray mamalangwer, naneekal na bilay da ray babalolaki tan saray mamarikit,

Jeremias 6:11

Napno ak na sanuk mo, Katawan, tan naooputan ak lay anos a mamokpok ed sanuk mo.” Insan inkuan na Katawan ed siak, “Idapom so sanuk ko ed saray ogogaw a walad daladalan tan diad pantitiponan da ray tobun-balo. Nadakep iray asawan lalaki tan saray asawan bibii, tan anggan saray mamatakken lan maung.

Jeremias 9:20

Inkuanko, “Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Saray Tagleey 1:15

“Inelekan na Katawan ya amin iray makapanyarin sondalok; Angibaki na saray sondalon ondogpa ed siak tan maneral ed saray lalakin tobun-balo. Minekmek to ray sankaabigan a totook a singa kapepespes na saray ubas ed panagpespesan.

Saray Tagleey 1:18

“Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Saray Tagleey 1:4

Anggapo la natan so oonlad Timplo a mangigalang no agew iran masanto. Saray bibiin kumakantad man et maniirap ira tan manayay labat iray papari. Begtebegtew la ray puirtay siudad tan pangasikasiyan so Sion.

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Saray Tagleey 3:43

“Inosilan mo kami tan andi-panangasin pinapatey mo kami; asaniban na pasnuk mo so panangasim.

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.”

Ezekiel 7:9

Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.”

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Ezekiel 9:10

Balet ag ko ra kasian; gawaen kod sikaray ginawa rad arum a totoo.”

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Amos 8:13

Diad satan ya agew anggan saray mabibiskeg a lalaki tan bibii et nalemay ira lapud inkaapgaan.

Zacarias 11:6

Say Katawan kuanto, “Ag ko la kasian so siopaman a too ed tapew na dalin. Paoleyan kod saray manoley da iray amin a totoo. Deralen na sarayan manoley so mundo, tan ag ko iyagel ed pakayari ra.”)

Deuteronomio 28:50

Makapataktakot ira tan anggapoy panangasi rad siopaman, tobun-balo may matakken.

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Josue 6:21

Pinapatey dad panamegley na ispada iray amin a walad siudad, lalaki may bibii, malangwer may matakken. Pinapatey da met iray baka, karniro, tan saray asno.

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”