Saray Tagleey 2:20 - Maung A Balita Biblia

²⁰ Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Maung a Balita Biblia

²⁰ Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Saray Tagleey 2:20 Iomraidhean Croise

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Saray Salmo 78:64

Inatey iray papari ra diad panamegley na ispada, tan ag naabuloyan a lamayan ira na kaasawaan da.

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

Isaias 22:2

Maungol so siudad, napno na ingal tan mapalaloy sayaksak na katoowan. Ag inatey ed pibabakal iray totoo yon inaatey ed sayan bakal.

Jeremias 19:9

Lakoben na saray kalaban da yan siudad tan pateyen da ray totoo to. Makapasinagem a tuloy yan panlakob, kanyan saray totoo kanen da ray anggan anak da tan manaakanan ira.”

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Saray Tagleey 1:19

“Tinmawag ak ed saray kagampik, balet ag da ak tinulongan. Inaatey ed dalan iray papari tan saray pangulo, Legan a manaanap ira na naakan, pian ombiskeg ira.

Saray Tagleey 4:10

Makapataktakot so intaruk na desyang a sinmabi ed saray totook; inlalambung na saray maaron ina iray dilin anak da.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Saray Tagleey 4:16

Anggapo lay pannunot na Katawan ed sikara; sikaton diliy angikaykayat ed sikara. Anggapo lay panagasasikaso tod saray papari tan saray pangulo tayo.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Ezekiel 9:7

Inkuan na Dios ed sikara, “Dotakan yoy Timplo. Pano yo na bangkay iray patio to. Igapo yo lay kimey yo!” Kanyan inggapo ray nampapatey na saray totoo ed dalem na siudad.

Levitico 26:29

Mapalaloy kaerasan yo kanyan kanen yo lay anggan saray dilin anak yo.

Deuteronomio 9:26

Et nampikasi ak, ‘Katawan a Dios, ag mo pa papateyen iray dilin totoom, saray totoon inyagel tan impaway mod Egipto diad panamegley na baleg a biskeg tan pakayarim.