Saray Tagleey 2:16 - Maung A Balita Biblia

¹⁶ Balbalawen ka na amin da ray kalaban mo tan lapud pambosul da, mulmuldagatan da ka. Manngilngilet ira tan mankobibit ira, “Aderal mi la! Sikato yay aalagaren min agew!”

Maung a Balita Biblia

¹⁶ Balbalawen ka na amin da ray kalaban mo tan lapud pambosul da, mulmuldagatan da ka. Manngilngilet ira tan mankobibit ira, Aderal mi la! Sikato yay aalagaren min agew!

Saray Tagleey 2:16 Iomraidhean Croise

Saray Salmo 109:2

Dinogpaan ak na saray maoges tan matitilan totoo. Tila so sasalitaen da nipaakar ed siak,

Saray Salmo 112:10

Nanengneng ya na saray totoon maoges et makapasnuk; manngilet ira tan naandipat la ra; nakal lan anggad angga so ilalo ra.

Saray Salmo 124:3

inakmun da itayo lan mabilay komun lapud mapalalon pasnuk dad sikatayo;

Saray Salmo 22:13

Onsasangi ran singa lion; mangwam iran mamibingkas ed siak.

Saray Salmo 35:16

Panngilngiletan da ak lapud pamobosul da; singa ra totoon mambabalaw ed lopuy.

Saray Salmo 35:21

Aakusaen da ak tan iyeeyag da, “Anengneng miy ginawam!”

Saray Salmo 35:25

Ag mo pa iyaabuloy a nibaga rad sikaran dili, “Satan imay labay min nagawa! Tinalo min siansia!”

Saray Salmo 37:12

Say toon maoges mamplaplano sumpad maung a too tan manngilet lapud pambosul to.

Saray Salmo 41:8

Kuanda, “Adapoay makapatey a sakit; ag to lan balut taynan so dokulan to.”

Saray Salmo 56:2

Sanagew a dodogpaan ak na saray onsusumpad siak. Agaylay karakel na onlalaban ed siak.

Saray Salmo 57:3

Manlapud tawen ebatan to ak tan ilaban to ak; taloen to ray mamapairap ed siak. Ipanengneng na Dios ed siak so ag mangoman a panangaro to tan say inkatoor to.

Isaias 49:19

“Aderal tan apaolyan so bansam— balet natan magmaliw lan melmelag a panayaman na saray onsasabin totoo. Et napataynan ed arawi ira may nanderal ed sika.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 50:17

Say Katawan kuanto, “Saray totood Israel et singa ra karniron osil-osilan tan ikaykayat na saray lion. Onona, dinogpaan ira na ari ed Asiria, insan si Ari Nabucodonosor na Babilonia nginangalngal to ray pokel da.

Jeremias 50:7

Dinodogpaan ira na amin ya akalmod sikara. Saray kalaban da kuanda, ‘Aliwan maoges so ginawa tayod sikara, tan nankasalanan irad Katawan. Nanmatalek ed Katawan iray lalaki ra, kanyan nepeg komun a nansiansian matoor irad sikato.’

Jeremias 51:34

Tinetegteg na ari na Babilonia so Jerusalem, insan to kinan. Impagmaliw toy siudad a singa pasig a nakalay karga; singa dragon ya ayep ya angakmon ed siudad. Inaala toy labalabay to, insan to imbantak iray nakdaan.

Saray Tagleey 1:21

“Dengel mo pay panayay ko; anggapoy manligliwad siak. Panliketan na saray kalaban ko so impangiter moy gunigon ed siak. Ipasabim pa la may agew ya insipan mo; panirap mo pa ray kalaban ko a singa paniirap ko.

Saray Tagleey 3:46

“Pabpabaingan tan ludlureyen kami na amin da ray kalaban mi.

Ezekiel 23:32

Say Katawan a Dios kuanto, “Oninom ka ed kupa nen atsim; baleg tan aralem so kupa to. Balawen tan lureyen ka na balang sakey;

Ezekiel 25:15

Say Katawan a Dios kuanto, “Saray Filisteo et alablabas so imbawi rad saray gendat lan kalaban da tan diad gaway pambosul da dineral da ra.

Ezekiel 25:3

Ibagam ed sikaran ondengel irad ibabagak, siak a Katawan a Dios: Akaliket kayon akanengneng ed inkadotakan na Timplok, say inkaderal na dalin ya Israel, tan say inkibantak na saray taga Juda.

Ezekiel 25:6

“Sikato ya so ibabaga na Katawan a Dios: Nantitipak tan nanlulugtot kayod liket. Binabalaw yoy dalin na Israel.

Ezekiel 36:3

“Mampropisiya ka, sirin, tan ibawag mo so ibabagak, siak a Katawan a Dios. Nen adakep tan asamsaman na saray kaliber-liber a bansa so kapalandeyan na Israel, niluludlurey na balang sakey a too so Israel.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Oseas 8:8

Nagmaliw a singa arum a bansa so Israel tan anggapoy kana ton singa nabtag a banga.

Mikias 4:11

Nantitipon iray amayamay a bansa ya ondogpad sikayo. Kuanda, “Nepeg a naderal so Jerusalem! Nengnengen tayon aderal-deral yan siudad!”

Saray Gawgawa 7:54

Nen nadngel na saray kabyangay Sanidrin ira yan balikas nen Esteban manngilet irad petang na olo rad sikato.