Saray Tagleey 2:11 - Maung A Balita Biblia

¹¹ Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Maung a Balita Biblia

¹¹ Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Saray Tagleey 2:11 Iomraidhean Croise

Say Libro nen Job 16:13

insan to ak papanaen ed amin a dapag— natatabektabek tan nasusugat-sugat ak na saray pana; anggaman ya onyay agawa, ag to ak kasian.

Say Libro nen Job 30:27

Lapud kapagaan tan sakit singa ak abingbingkas; kairapan labat so walad siak ya inagew-agew.

Saray Salmo 119:82

Naksawan la ray matak ed panaalagar koy insipan mo, legan a tetepeten ko, “Kapigay panulong mod siak?”

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Saray Salmo 31:9

Katawan, kasian mo ak pa, ta nagugunigon ak; naksawan la ray matak lapud ontan lan kakaakis; makapkapoy ak lan sigput!

Saray Salmo 38:8

Makapkapoy ak tan agaylay kesaw ko; nagugunigon ak tan manay-ay ak lad sakit.

Saray Salmo 6:7

Ngalngalin ag ak la makanengneng; linmalarag la ray matak diad panaakakis ko lapud amin da ray kalaban ko.

Saray Salmo 69:3

Naksawan ak lan onkekerew na tulong, tan anagasang lay kolukolung ko. Onsasakit la ray matak diad panatalaran kod isabiy tulong mo.

Isaias 22:4

Paolyan yo ak a mambukbukor ya akisan koy ampaipait iray totook ya inaatey. Ag yo ak liligliwaen.

Isaias 38:14

Melmelag tan makapkapoy lay bosis ko, Tan managlem ak a singa malapati. Diad kanenengneng kod tawen naksawan lay matak. Katawan, agwat mo ak pad sayan gunigon.

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, “Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Jeremias 44:7

“Kanyan siak, say Katawan a Makapanyarin-amin a Dios na Israel, tetepeten kod sikayo natan no akin et gagawaen yod sikayon dili ira yan kaogsan. Labay yon onsabiy deral ed saray lalaki, bibii, saray anak tan saray ogogaw, pian anggapoy nakeraan ed sikayo?

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Saray Tagleey 1:11

Manayay iray totoo to legan dan manaanap na naakan da; Isasalat dad nakan so kayamanan da, pian napabiskeg ira. “Imano mo ak, Katawan,” eyag na siudad; “nengneng mo pay pangaskasiyan a kipapasen ko.”

Saray Tagleey 1:16

“Sikato yay makasengeg no akin et managagos ed matak so lua. Anggapoy nayarin manligliwad siak; anggapoy makaiter ed siak na biskeg na linawa. Tinalo ak na saray kalaban; saray totook anggapoy nakdaan a kayaryan da.

Saray Tagleey 1:20

“Nengneng mo ak pa, O Katawan, ta nagugunigon ak; maguloy kamarerwak! Ngalngali ombetag so pagew kod ermen lapud nankakasalanan ak. Wala ray pateyan ed daladalan, tan anggan diad dalem na kaabungan walay patey.

Saray Tagleey 5:17

Ambelat so pagew mi lapud saya tan binmilonget so pakanengneng mi,

Lucas 23:29

Ta onsabi la ray agew ya ikuanda ray totoo, ‘Mapalar iray bibiin lepes, saray ag mananak, tan saray ag nampasuso!’

1 Samuel 30:4

Kanyan nanakis si David tan saray totoo to, tan ag ira tinmonda ya anggad makapkapoy la ran maung.