Saray Tagleey 2:10 - Maung A Balita Biblia

¹⁰ Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Maung a Balita Biblia

¹⁰ Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Saray Tagleey 2:10 Iomraidhean Croise

2 Samuel 13:19

Ininan toy dapul so olo to, pinilat toy kawes to, tan linma lan manakis a sankaakup toy lupa to.

Isaias 15:3

Akakawes na sako iray totood daladalan; maermen tan mannangis iray totoo ed saray plasa tan diad saray toktok na abung.

Isaias 3:24

Anta mampabalingit ira komun, naboluk ira; anta mambalkes ira komun na balibali, mambalkes iray magasgasal a lobir; anta marakerakep komun so buek da, nakiskisan so olo ra; anta mankawes ira komun na marakerakep, lupot so ikawes da; magmaliw a makapabaing so ganggana ra!

Isaias 3:26

Manermen tan manakis iray puirta na siudad, tan say dilin siudad magmaliw a singa biin labus-lakseb a manyodyorung ed dalin.

Isaias 36:22

Diad ermen di Eliakim, Sebna, tan Joa, pinilat day kawes da, linma la ra, insan imbalita rad ari so imbaga na samay opisyal na Asiria.

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Isaias 47:5

Say Katawan kuantod Babilonia, “Yorung kan andi eseesel tan dia kad ambilonget a pasen; ag da ka la tawagen a riyna na saray bansa!

Jeremias 8:14

“Akin et wadya itayon manyodyorung ya ag onggalaw?” tepet na saray totooy Dios. “Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Saray Tagleey 1:4

Anggapo la natan so oonlad Timplo a mangigalang no agew iran masanto. Saray bibiin kumakantad man et maniirap ira tan manayay labat iray papari. Begtebegtew la ray puirtay siudad tan pangasikasiyan so Sion.

Saray Tagleey 3:28

No manirap itayo, nepeg a mananos tan mandeen itayon bukbukor.

Saray Tagleey 4:16

Anggapo lay pannunot na Katawan ed sikara; sikaton diliy angikaykayat ed sikara. Anggapo lay panagasasikaso tod saray papari tan saray pangulo tayo.

Saray Tagleey 4:5

Ompapatey ed eras diad saray dalan iray totoon gendat a maung so kakanen da; manaanap ed basuraan na napambilay da iray totoon binmaleg ed inawa.

Saray Tagleey 5:12

Narel tan nibitay iray pangulo mi; ag da inggalang iray mamatakken mi.

Saray Tagleey 5:14

Ag la onyoyorung ed puirta na siudad iray mamatakken a lalaki, tan ag la manotogtog o mangakanta iray tobun-balo.

Ezekiel 27:30

Ampait so impanermen da ed sika, Tinupak day dabuk so kaolowan da tan nantitiblak irad dapul.

Ezekiel 27:31

Lapud sika kinikiskisan day olo ra Tan nankakawes iray sako. Maninget so pagew da legan dan onaakis.

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Joel 1:8

Akis kayon singa sakey a marikit a nanangisan toy impatey na nubio to.

Amos 5:13

Kanyan diad sarayan maoges a panaon maung lay ag oneseesel so too.

Amos 8:13

Diad satan ya agew anggan saray mabibiskeg a lalaki tan bibii et nalemay ira lapud inkaapgaan.

Amos 8:3

Diad satan ya agew saray kansion ed palasio et magmaliw a panagugol lapud ermen. Kitongilang ed satan iray bangkay ed anggan iner a pasen. Ibantak da ran anggapoy eseesel.”

Jonas 3:6

Nen nadngelan na ari ed Ninive so nipaakar ed saya, inmepas a nanlapud trono to, nilakseb toy kawes to, nansolung na sako, tan nanirung ed dapul.

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.

Puyan 18:19

Ininan day dapul so olo ra, mannangnangis tan maerermen ira tan inkuanda, “Makapataktakot! Makapasinagem so agawad makapanyarin siudad! Minmayaman ya amin iray walay barko ra, lapud kayamanan to. Balet diad loob na sakey oras, naandipat to yan amin!”