Saray Tagleey 1:3 - Maung A Balita Biblia

³ Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Maung a Balita Biblia

³ Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Saray Tagleey 1:3 Iomraidhean Croise

2 Saray Arari 25:11

Insan inawit nen Nebuzaradan ed Babilonia iray totoon atilak ed siudad, saray atilak a marunong a kumikimey, tan saray akigampid saray taga Babilonia.

2 Saray Arari 25:21

diad dalin na Hamat. Impapairap irad man na ari, insan to ra impapatey. Kanyan saray totood Juda et nakal irad dalin da tan niakar irad arum a bansa.

2 Saray Arari 25:4

abongaw na saray kalaban so padir na siudad. Anggaman a nilakob na saray taga Babilonia so siudad, akabatik ed labi so ari tan amin da ray sondalo na Juda. Dinmalan irad puirtan nanleetan na duaran padir ya asingger ed tanamanan na ari. Batik iran amaarap ed Patar na Jordan.

2 Saray Arari 25:5

Balet inosilan na saray sondalon taga Babilonia si Sedekias tan adakep da diad nipatar a pasen ya asingger ed Jerico; inkaindan na amin da ray sondalo to.

Jeremias 13:19

Nilakob na saray sondalo iray baley ed abalaten na Juda; anggapo so toon makadalan ed saray baley. Nala ya amin iray totood Juda tan nibantak ira ed arum a bansa.”

Jeremias 16:16

Say Katawan kuanto, “Mangibaki ak na saray amayamay a sumisigay a mangerel ed sarayan totoo. Insan mangibaki ak na saray amayamay ya umaanup a manganup ed sikara diad palandey tan pokdul, tan anggan diad saray abut ed saray ankakabaleg a bato.

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

Jeremias 39:9

Diad kaonuran, si Nebuzaradan a pangulo na saray sondalo inyakar ton priso ed Babilonia iray nakdaan a totoo ed siudad tan saray akigampid sikato.

Jeremias 52:15

Insan si Nebuzaradan inyakar tod Babilonia iray nakdaan a totoo ed siudad, saray atilak a marunong a kumikimey tan saray akigampid saray taga Babilonia.

Jeremias 52:8

Balet saray sondalon taga Babilonia inosilan day Ari Sedekias tan narel da diad saray patar ya asingger ed Jerico, tan imbatikan na saray amin a sondalo to.

Saray Tagleey 2:9

Atabun-tabunan la na saray deral-deral iray puirta tan apoter-poter iray tarangka ra. Nibantak ed arum a bansa so ari tan saray prinsipi. Ag la nibabangat so Ganggan, tan anggapo lay nanaawat na saray propita a pasingayew a manlalapud Katawan.

Saray Tagleey 4:15

“Arawi kayo!” eyag da ray totoo. “Marotak kayo! Ag yo kami didiwiten!” Kanyan nanakar-akar irad saray bansa, ta anggapoy malabay a mamatuloy ed sikara.

Saray Tagleey 5:5

Pinairap da kamin pinabatik a singa asno o kamilyo, naknaksawan kami, balet ag da kami abuloyan a mampainawa.

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.