Saray Tagleey 1:13 - Maung A Balita Biblia

¹³ “Manlapud tagey angipelag na apoy tan pinoolan toy dalem ko. Pinatitan to ak, et nipatumba ak. Insan to ak inkaindan, tan tinaynan to ak a nanairapan.

Maung a Balita Biblia

¹³ Manlapud tagey angipelag na apoy tan pinoolan toy dalem ko. Pinatitan to ak, et nipatumba ak. Insan to ak inkaindan, tan tinaynan to ak a nanairapan.

Saray Tagleey 1:13 Iomraidhean Croise

Say Libro nen Job 18:8

Nasabi toy patit ya iket nasinger ed satan iray sali to;

Say Libro nen Job 19:6

Nepeg yon amtaen a say Dios so nanggawad sayan kairapan; pinatitan to ak ya inerel.

Say Libro nen Job 30:30

Nagmaliw ya andeket so baog ko; napopoolan ed kapepetang ko.

Saray Salmo 129:5

Natalo tan napapoliktar komun ya amin iray mamobosul ed Sion.

Saray Salmo 140:5

Pinatitan ak na saray mapaatagey a totoo; inlira da ray patit da, tan angyan ira na saray kalut ed dalan ta erelen da ak.

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Saray Salmo 31:10

Naknaksawan ak la lapud ermen, tan pinatikey la na kakaakis so bilay ko. Makapkapoy ak la lapud saray gunigon ko; onkakalug met la ray pokel ko.

Saray Salmo 35:4

Natalo tan napelag komun ed kababaingan iray malabay a mamatey ed siak! Napapoliktar tan nagewgew komun iray mankokomplut sumpad siak!

Saray Salmo 38:8

Makapkapoy ak tan agaylay kesaw ko; nagugunigon ak tan manay-ay ak lad sakit.

Saray Salmo 66:11

Inaabuloyan mo kamin napelag ed patit, tan ambelat iray impapasakbat mod sikami.

Exodo 12:9

Ag yo kakanen a tariwa odino inlambung, no ag ingen akan yon pinolpugan a pati olo to, sali to, tan saray loob-loob to.

Isaias 42:17

Amin da ray manmamatalek ed saray talintaoy diriyos ya ibabaga ran dios da iray imahin et napaabeba ra tan napelag irad kababaingan.”

Jeremias 44:6

Kanyan nampasnuk ak a maung ed saray baley na Juda tan diad saray dalan na Jerusalem, tan pinopoolan ko ra. Aderal-deral ira tan nagmaliw iran makapagiwgiw a nengnengen, a singa kipapasen da natan.

Saray Tagleey 1:22

“Sintinsiaan mo pa ray dusa lapud saray kaogsan da; Dusam ira a singa impanusam ed siak, lapud saray kasalanan ko. Mapalaloy panayay ko, tan ansakit so pagew ko.”

Saray Tagleey 3:11

Inosilan to ak ed dalan, biningbingkas to ak, insan to ak tinaynan.

Saray Tagleey 5:17

Ambelat so pagew mi lapud saya tan binmilonget so pakanengneng mi,

Ezekiel 12:13

Balet sabokulan kon erelen. Insan ko iyakar ed siudad na Babilonia a diman ompatey ya ag to nanengneng imay siudad.

Ezekiel 17:20

Isabokul koy iket na umaanup ta erelen ko. Iyakar ko ed Babilonia tan dusaen kod man, lapud aliwan matoor ed siak.

Ezekiel 32:3

No mantitipon iray amayamay a bansa, erelen ta kad iket ko insan ta ka pagoyur ed sikara ed sakbit.

Oseas 7:12

Balet ipanat koy iket ko tan erelen ko ran singa saray manok legan dan oonla. Dusaen ko ra lapud kaogsan a ginagawa ra.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Deuteronomio 28:65

Ag diman manarid sikayo so kareenan, tan anggapoy pasen a nayarian yon tawagen a kayaryan yo; say Katawan tabonan to kayo na kapagaan, kaandiay ilalo, tan kaermenan.

2 TESALONICA 1:8

Onsabin kaibay manliub ya apoy tan dusaen to ray ag makapikabat ed Dios tan saray ag ontoluk ed Maung a Balitan nipaakar ed Katawan tayon Jesus.

Saray Hebreo 12:29

ta say Dios tayo et manangoput ya apoy.