Saray Tagleey 1:10 - Maung A Balita Biblia

¹⁰ Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Maung a Balita Biblia

¹⁰ Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Saray Tagleey 1:10 Iomraidhean Croise

2 Saray Awaran 36:18

Say ari na Babilonia inala to ray kagawaan ed Timplo, saray kayamanan a walad panagsinupan ed Timplo, tan saray kayamanan na ari tan saray opisyal to, insan to ra inawit ya amin ed Babilonia.

Nehemias 13:1

Nen nibabasad saray totoo so Ganggan nen Moises asabi so parti ya ibabaga ton sebel a mikasakey ed saray totoo na Dios iray Ammonita odino saray Moabita.

Isaias 63:18

Sikami ran masanton totoom et apataynan kami ya agano na saray kalaban mi; ginagatinan day santuariom.

Jeremias 15:13

Inkuan na Katawan ed siak, “Mangibaki ak na saray kalaban a mangibatik ed saray kayamanan tan pinablin kayaryan na saray totook, pian nadusak ira lapud saray ginagawa ran kasalanan ed intiron dalin.

Jeremias 20:5

Ipasamsam kod saray kalaban da iray amin a kayamanan ed sayan siudad, tan alaen da ray amin a kayaryan to, anggan saray kayamanan na saray ararid Juda, tan awiten da ran amin ed Babilonia.

Jeremias 27:19

Nen si Ari Nabucodonosor et inyakar tod Babilonia si Jeconias a lakin anak nen Joakim tan ari na Juda, tan saray manonan totoo ed Juda tan Jerusalem, intilak to ray may lusek, samay dipositoway danum, saramay kariton, tan saray arum a kayamanan ed timplo.)

Jeremias 27:21

“Dengel moy ibabagak, siak a Makapanyarin-amin a Katawan a Dios na Israel, nipaakar ed saray kayamanan ya atilak ed Timplo tan diad palasio ed Jerusalem:

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Jeremias 51:51

Kuanyo, ‘Naplag kamid kababaingan tan apabaingan kami; sigput ya apanbanday kami lapud saray taga arum a bansa et sinmalin irad saray masanton pasen ed Timplo.’

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Saray Tagleey 1:7

Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.

Ezekiel 44:7

Dinotakan da so Timplok diad impangyabuloy dad saray totoon ag asegat a sangkaili, saray totoon ag mangoonur ed siak, ya onloob ed Timplo no ibabagat ed siak iray taba tan dala na saray ayayep ya ibagat. Kanyan saray totook dineral day impisipanan ko lapud amin a makapaingungot a ginagawa ra.

Ezekiel 7:22

Anggapoy pibabalik no adotakan so pinablik a Timplo, no looban na saray matatakew insan da dotakan.

Ezekiel 9:7

Inkuan na Dios ed sikara, “Dotakan yoy Timplo. Pano yo na bangkay iray patio to. Igapo yo lay kimey yo!” Kanyan inggapo ray nampapatey na saray totoo ed dalem na siudad.

Marcos 13:14

“Nanengneng yoy ‘Makapataktakot a Managderal’ ya akaalagey ed ag to kanepegan a pasen. (Paimano ed saray mambabasa: talusan yoy labay to yan ibaga!) No onya lay nagawa, nakaukolan ya ombatik ed kapalandeyan iray taga Judea.

Deuteronomio 23:3

“Ag nayarin mikasakey ed saray totoo na Katawan so siopaman ya Ammonita odino Moabita odino siopaman a kabyangan na boleg da ya anggad kumaplon kailalakan.

Deuteronomio 23:4

Ag da kayo initdan na kanen tan inomen nen mankukurang kayo a nanlapud Egipto, tan inupaan day Balaam a lakin anak nen Beor, tan taga siudad na Petor na Mesopotamia, ya isamba to kayo.