Saray Salmo 99:8 - Maung A Balita Biblia

⁸ O Katawan a Dios mi inebatan mo ray totoom; impanengneng mod sikara a Dios kan manamirdona, anggaman a dinusam ira lapud saray kasalanan da.

Maung a Balita Biblia

⁸ O Katawan a Dios mi inebatan mo ray totoom; impanengneng mod sikara a Dios kan manamirdona, anggaman a dinusam ira lapud saray kasalanan da.

Saray Salmo 99:8 Iomraidhean Croise

2 Samuel 12:14

Balet lapud sinumpam so Katawan diad impanggawam ed sayan kaogsan; ompatey so anak mo.”

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Saray Salmo 89:33

Balet ag ak ontondan mangarod kinen David, tan ag ko lingwanan a toorey sipan kod sikato.

Exodo 32:2

Kanyan kuanen Aaron ed sikara, “Ekal yo ray balituk ya ikaw na kaasawaan yo, ikaw na saray anak yon lalaki tan bibii, ta iyakar yo ra diad siak.”

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.”

Ecclesiastes 7:29

Saya labat so naaralan ko: Pinalsa na Dios a maptek so too, balet say too amayamay so sinmeseksek a kaogsan ed olo to.

Jeremias 46:28

Dagoen ta kayo, ta iyagel ta kayo. Deralen koy amin a bansa ya angikaykayatan kod sikayo, balet ag ta kayo deralen. Andi-saew ya abuloyan kon nadusa kayo; balet no dusaen ta kayo, gawaen ko onung ed katonungan. Siak, say Katawan, so nansalita.”

Sofonias 3:7

Ninunot kod saman ya ag la pigan saray totook et pagalangan da ak tan awaten day panametek ko, tan ag dan balut nalingwanan iray imbangat kod sikara. Balet ag abayag maoges lamet so kagagawa ran singa gendat.

Saray Bilang 20:12

Balet nanpasnukan na Katawan ira di Moises tan Aaron. Inkuanto, “Lapud kulang so pananisia yon mamirbir na masanton pakayarik diad arap na saray totood Israel, aliwan sikayoy mangipangulod sikara diad iloob dad dalin ya insipan kon iter ed sikara.”

Saray Bilang 20:24

“Ag makaloob si Aaron ed dalin ya insipan kon iter ed Israel; ompatey la lapud sinumlang yon dua so ganggan ko dimad Meriba.

Saray Taga Roma 1:21

Anggaman a kabat da lay Dios, ag da inggalang a Dios odino akisalamatan. Ingen, andikakanaan so kanunotan da tan abilongetan so ag makatalus ya otek da.

Deuteronomio 3:26

“Balet lapud sikayo akapasnuk ed siak so Katawan tan ag to ak la dengelen. Inkuanto la laingen, ‘Duga la tan! Ag mo la ya bibitlaen a balut!