Saray Salmo 96:8 - Maung A Balita Biblia

⁸ Idayew yoy mapagalang a ngaray Katawan; mangawit kayoy bagat tan loob kayod Timplo to.

Maung a Balita Biblia

⁸ Idayew yoy mapagalang a ngaray Katawan; mangawit kayoy bagat tan loob kayod Timplo to.

Saray Salmo 96:8 Iomraidhean Croise

Saray Salmo 100:4

Loob kayod saray puirta na Timplo a misasalamat kayo; laka yod saray patio to a mangidadayew kayo. Misalamat tan mangidayew kayod sikato.

Saray Salmo 111:9

Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!

Saray Salmo 29:2

Idayew yoy mapagalang a ngaray Katawan, no ompanengneng imay Masanto, dakmomo kayod arap to.

Saray Salmo 45:12

Saray totood Tiro iyawitan da ka na saray rigalo; labay na saray mamayaman ya alaey maung a linawam.

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

Ezekiel 46:3

Kapag Agew na Panagpainawa tan kapag Pista na Balon Bulan amin da ray totoo et nepeg ya ontewek ira met tan igalang day Katawan diad arap na samay puirta.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

FILIPOS 2:17

Panliketan ko tan pinabangen ta kin amin ed sayan liket ko, anggaman bilang ya onterter so dalak tan onarum ed bagat ya isasaklang na pananisia yo ed Dios.

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”