Saray Salmo 96:2 - Maung A Balita Biblia

² Kantaan yoy Katawan, tan idayew yo! Ibawag yon inagew-agew so maung a balita ya inlaban to itayo.

Maung a Balita Biblia

² Kantaan yoy Katawan, tan idayew yo! Ibawag yon inagew-agew so maung a balita ya inlaban to itayo.

Saray Salmo 96:2 Iomraidhean Croise

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

Saray Salmo 103:20

Idayew yoy Katawan, sikayo ran mabiskeg tan makapanyarin anghil a manusumpal na saray ganggan to tan onderengel na ibabaga to.

Saray Salmo 145:1

Ibawag koy inkatalonggaring mo, Dios ko tan arik; ando lan ando a misalamat ak ed sika.

Saray Salmo 145:10

Katawan, idayew ka na amin a pinalsam, tan pisalamatan ka na amin a totoom.

Saray Salmo 145:2

Agew-agew a misalamat ak ed sika; anggad-angga ya idayew ta ka.

Saray Salmo 40:10

Ag ko pinokuk ed siak a dili so balitay panangilaban mo; lawas kon sasalitaey katooran tan say pananulong mo. Diad pantitipon da ray amin a totoom ag ko inyamut so ag mangoman a panangarom tan say katooran mo.

Saray Salmo 71:15

Ibawag koy inkatonung mo; tongtongen ko lawas so panangilaban mo, anggaman ya ag ko natalusan a sigput.

Isaias 40:9

Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Marcos 16:15

Inkuantod sikara, “Laka kayod intiron mundo tan ipulong yoy Maung a Balita ed amin a pinalsa.

Saray Gawgawa 13:26

“Agagik iran kabyangay boleg nen Abraham tan sikayo ran mangigagalang ed Dios: sikatayoy angiteran na Dios na sayan balita a nipaakar ed kilalaban!

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

Puyan 5:13

Nadngel kon amin iray pinalsan walad tawen, dalin, dalem na dalin, tan diad dayat—amin a pinalsad intiron mundo—tan inkuanda, “Naitdan komun ya anggad angga so akayorung ed trono tan say Kordiro na bindision, dayew, galang, tan pakayari!”