Saray Salmo 95:3 - Maung A Balita Biblia

³ Ta makapanyarin Dios so Katawan makapanyarin ari na amin da ray diriyos.

Maung a Balita Biblia

³ Ta makapanyarin Dios so Katawan makapanyarin ari na amin da ray diriyos.

Saray Salmo 95:3 Iomraidhean Croise

Nehemias 8:6

Inkuanen Esdras, “Nadayew komun so Katawan, say matalonggaring a Dios!” Amin a totoo inyatagey day lima ra tan kuanda, “Amen, Amen!” Insan ira dinmakmomon angigalang ya anggad dalin.

Saray Salmo 104:1

Idayew moy Katawan, O kamarerwak! O Katawan a Dios ko, agaylay talonggaring mo! Akawesan kay dayew tan kagalangan,

Saray Salmo 135:5

Amtak a matalonggaring so Katawan tayo; matalonggaring ni nen amin da ray diriyos.

Saray Salmo 145:3

Matalonggaring so Katawan tan manepenepeg a galangen; sigput ya ag natalusan so inkatalonggaring to.

Saray Salmo 47:2

Nepeg a takotan so Katawan a Sankatageyan; matalonggaring ya ari a manooley ed sankamundoan.

Saray Salmo 47:3

Impanalo to itayo ed saray totoo; impaoleyan tod sikatayo ray bansa.

Saray Salmo 96:4

Matalonggaring so Katawan tan nepeg ya idaydayew; nepeg a lalon igalang nen saray amin a diriyos.

Saray Salmo 97:9

Makapanyarin-amin a Katawan, sikay manooley ed intiron mundo; matalonggaring kan tuloy nen saray diriyos.

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Isaias 44:8

Ag kayo natatakot, totook! Amta yo a nanlapud saman a panaon ya anggad natan impasakbay koy amin ya agawa, et sikayo ray tasik. Wala ta niy arum a Dios? Wala ta niy makapanyarin dios ya ag kon balut akabatan?”

Jeremias 46:18

Siak, a Katawan a Makapanyarin-amin, et ari. Siak so mabilay a Dios. Say biskeg na onsabin ondogpa ed sikayo et singa Palandey na Tabor ya atagey nen saray arum, tan singa Palandey na Carmelo a diad kinaatagey to et ososdungan toy dayat.

Jeremias 48:15

Aderal so Moab tan saray siudad to; apatey iray sankamaungan a mamalangwer ton lalaki. Siak so ari a Katawan a Makapanyarin-amin, tan siak so nansalita.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Malakias 1:14

Sakey a samba lalaingen so niiter ed masaol a mangibabagat ed siak na andi-kakanaan ya ayep, anta walay marakep ya ayep ed saray kokomponien to ya insipan ton iter ed siak! Lapud sakey ak a matalonggaring ya ari, tan tatakotan ak na saray totood amin a bansa.”

Mateo 5:35

o say dalin, ta panangitoonan to ray sali to; o say siudad na Jerusalem, ta panaayamay makapanyarin Ari.

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.