Saray Salmo 91:5 - Maung A Balita Biblia

⁵ Ag mo nepeg so ontakot ed saray kaatapan no labi, odino diad biglan idogpa na saray kalaban no agew,

Maung a Balita Biblia

⁵ Ag mo nepeg so ontakot ed saray kaatapan no labi, odino diad biglan idogpa na saray kalaban no agew,

Saray Salmo 91:5 Iomraidhean Croise

2 Saray Arari 7:6

Imparengel na Katawan ed saray Siriano so tanul na idodogpa na saray dakerakel a sondalon akakabayo tan akakarwahi, kanyan abaloan na saray Siriano ya impaibaan so ari na Israel ed saray Heteo tan saray Egipsio tan saray arari ra ya ondogpad sikara.

Say Libro nen Job 6:4

Say Makapanyarin-amin a Dios pinapana to ak; onkakayat ed intiron laman ko so samal. Say Dios imbolus tod siak iray amayamay a panagtaktakot to.

Saray Salmo 112:7

Ag antakot a makadngel na maoges a balita; mabiskeg so pananisia to, tan manmamatalek ed Katawan.

Saray Salmo 46:2

Kanyan ag itayo sirin ontakot, anggan nayegyeg so dalin, tan natumbad dayat iray kapalandeyan;

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Kanta nen Solomon 3:8

Amin da et marunong iran mangikana na ispada; matalonggaring iran mibabakal. Akaawit so balang sakey ed sikara na ispada, sipaparaan iran mibakal anggan labiy idogpay kalaban.

Isaias 21:4

Nanaelaw ak tan manggiwgiw ak ed takot ko. Nampilalekan kon onsabi lay kabwasan, balet lalon baleg a takot so inter tod siak.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

Lucas 12:39

Tandaan yo ya! No amta labat na akanabung no anton oras so isabi na matakew, ag to palooben ed abung to.

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”