Saray Salmo 90:12 - Maung A Balita Biblia

¹² Ibangat mo pad sikami no panoy katikey na bilay mi, et nayarin magmaliw kamin makabat.

Maung a Balita Biblia

¹² Ibangat mo pad sikami no panoy katikey na bilay mi, et nayarin magmaliw kamin makabat.

Saray Salmo 90:12 Iomraidhean Croise

Say Libro nen Job 28:28

Inkuan na Dios ed too, ‘Magmaliw kan makabat no takotan moy Katawan, Nawalaan kay pakatalus no ibatikan moy kaogsan.’”

Saray Salmo 39:4

“Katawan, kaonungan niy pambilay ko? Kapigay ipatey ko? Ibagam pad siak no kapigay pansamput na bilay ko?”

Saray Salmo 39:5

Agaylay katikey na pambilay kon inter mo! Para sika singa anggapo so karokey na intiron bilay ko. Say bilay na too singa labat siplug na dagem;

Probirbio 16:16

Maung nin amimpiga so nawalaan na kakabatan tan pakaamta nen say nawalaan na balituk tan pilak.

Probirbio 22:17

Mandengel ka ta ibangat kod sika ray imbabaga na saray totoon makabat. Aral mo ray bangat da, tan

Probirbio 23:12

Mandengel kad bumabangat mo tan manaral kad anggaay nayarian mo.

Probirbio 23:23

Say katwaan, say kakabatan, say bilin, tan say pakatalus et manepeg iran panggastosan; mabmabli ra kanyan ag mo ra ilalako.

Probirbio 4:5

Anap mo so kakabatan tan say pakatalus! Ag mo lilingwanan o ipopolisay iray ibabagak.

Probirbio 4:7

Say sankamanonaan a nayarin gawaen mo et say pananap moy kakabatan. Gawam so anggaay nayarian mo a mananap na pakatalus.

Ecclesiastes 7:2

Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Juan 9:4

Natan ta agew ni, nakaukolan a gawaen ti ray pagagawa na angibakid siak, ta onsabiy labi ya anggapoy makapankimey.

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.