Saray Salmo 9:5 - Maung A Balita Biblia

⁵ Dinusam iray totoon ag manisiad sika tan dineral mo ray totoon maoges; ag la ran balut nanunotan.

Maung a Balita Biblia

⁵ Dinusam iray totoon ag manisiad sika tan dineral mo ray totoon maoges; ag la ran balut nanunotan.

Saray Salmo 9:5 Iomraidhean Croise

2 Samuel 17:23

Nen anengneng nen Ahitofel ya ag atombuk so simbawa to, kinabayoan toy asno to, insan pinmawil ed dilin baley to. Kayari ton inapiger so kipapasey kayaryan to, imbitay toy laman to. Nipompon ed lobuk na pamilya to.

Saray Salmo 149:7

pian natalo da ray bansa, tan nadusa da ray totoon pagano;

Saray Salmo 2:1

Akin et mamplaplanon onlaban iray bansa? Akin et manggagawa na saray andi-kakanaan a komplut iray katoowan?

Saray Salmo 5:6

Dederalen mo ray totoon matitila, tan babalawen mo ray totoon managpatey tan managpalikdo na kapara ran too.

Saray Salmo 7:12

No ag ira mampatauli, iyobul na Dios so ispada to. Pipinaten ton itaryay bekang na pana to;

Saray Salmo 78:55

Pinataynan to ray totoon manaayam diman nen mankukurang iray totoo to; inapag toy dalin ed saray tribu na Israel, tan inter tod saray totoo to iray panaayaman da.

Saray Salmo 79:10

Akin et tetepeten ed sikami na saray bansa, “Kawalaay Dios yo?” Ipanengneng mo pad sikami so panusam ed saray bansa lapud impangibung dad dala na saray aripen mo.

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Probirbio 13:9

Saray totoon matonung aliling day silew a marmarlang; saray totoon maoges aliling day makuykuyep a lamparaan.

Jeremias 49:38

Deralen ko ray arari ra tan saray pangulo ra, insan ko ilira so tronok diman.

Saray Tagleey 3:58

“Inyagel mo ak, Katawan, tan inlaban moy bilay ko.

Malakias 4:3

Diad agew a siak so onggalaw, natalo yo ray maoges, tan magmaliw iran singa dabuk ed silong na saray sali yo.

Deuteronomio 9:14

Ag mo ak babaaten ed gawaen ko. Ginetmak la ran pateyen pian anggapo lay makanunot ed sikara. Insan ta ka pagmaliwen a sengeg na sakey a bansan lalon baleg tan makapanyari nen say sikara.’

Puyan 19:15

Pinmaway so sakey a matdem ya ispada ed sangi to; sayan ispada so panalo tod saray bansa. Oleyan to ra yan bansa diad panamegley na balatyang a bastun, tan manlapud panagpespesay ubas, paagosen toy alak na baleg a pasnuk na Dios a Makapanyarin-amin.

1 Samuel 25:32

Inkuanen David ed sikato, “Nagalang so Katawan, say Dios na Israel, ya angibakid sikan mangabet ed siak natan!

1 Samuel 25:39

Nen nadngelan nen David ya inatey si Nabal, inkuanto, “Nagalang so Katawan! Binmawid kinen Nabal lapud impamabaing tod siak. Say Katawan so angipaliis ed siak ya aripen to ed panggawak na maoges. Dinusa na Katawan si Nabal lapud kaogsan to.” Insan angibakiy David na mangibagan labay ton asawaen si Abigail.

1 Samuel 31:4

Inkuantod balolakin umaawit na armas to, “Oyus moy ispadam tan patey mo ak, ompan panggalaw-galawan da ak ira yan anggapoy Dios.” Balet ag ginawa na samay balolaki, ta mapalaloy takot to. Kanyan inala nen Saul so dilin ispada to, insan to intakbay laman to ed samay ispada.