Saray Salmo 86:12 - Maung A Balita Biblia

¹² Idayew ta kad intiron pusok, Katawan a Dios ko, tan ibawag kon ando lan ando so inkatalonggaring mo.

Maung a Balita Biblia

¹² Idayew ta kad intiron pusok, Katawan a Dios ko, tan ibawag kon ando lan ando so inkatalonggaring mo.

Saray Salmo 86:12 Iomraidhean Croise

1 Saray Awaran 29:13

Pisalamatan mi ka natan, O Dios mi, tan idayew mi so mapagalang a ngaran mo.

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

Saray Salmo 104:33

Kantaan koy Katawan legay pambilay ko; daput mambibilay ak kantaan ko na saray dayew so Dios ko.

Saray Salmo 34:1

Misalamat ak lawas ed Katawan; ag ak ontondan mangidayew ed sikato.

Saray Salmo 9:1

Katawan, misalamat ak ed sika diad intiron pusok; ibawag koy nipaakar ed amin da ray makapakelaw a ginagawam.

Saray Salmo 9:2

Lapud sika malikeliket ak a mankanta. Kantaan kay pangidayew, O Sankatageyan a Dios!

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Saray Gawgawa 8:36

Diad pambabatik da, asabi ray pasen a kawalaay danum. “Nengneng mo, walay danum!” inkuanto may yunuko. “Anto niy makasbel ed pampabinyag ko?”

Saray Taga Roma 15:6

pian saksakey so bosis yo diad pankakasakey yon mangigalang ed Dios tan Ama na Katawan tin Jesu-Cristo.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

1 CORINTO 6:20

mabliy impanaliw tod sikayo. Kanyan ikana yoy laman yo a pamagalang ed Dios.

TAGA-EFESO 5:19

Mantotongtong kayod panamegley na saray salmo, imno, tan diniriyos a kanta. Kantaan yoy imno tan salmo so Katawan, tan impapusoy pangigalang yod sikato.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.