Saray Salmo 86:10 - Maung A Balita Biblia

¹⁰ Sikay makapanyari tan manggagawa ka ray pakelaw; bukor mo so Dios.

Maung a Balita Biblia

¹⁰ Sikay makapanyari tan manggagawa ka ray pakelaw; bukor mo so Dios.

Saray Salmo 86:10 Iomraidhean Croise

Say Libro nen Job 11:7

Nayarian mo a sukaiten iray panganggaan na talonggaring tan pakayari na Dios?

Saray Salmo 72:18

Idayew yoy Katawan, say Dios na Israel! Sikato labat so manggagawa na sarayan makapakelkelaw a bengatla.

Saray Salmo 86:8

Anggapod saray diriyos so miparad sika, Katawan, anggapoy siopaman a makagawa ed saray ginawam.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Isaias 37:16

“O Makapanyarin-amin a Katawan a Dios na Israel, manyodyorung kad tagey da ray kirubin, bukor moy Dios a manooley ed amin a nanarian diad mundo. Pinalsam so tawen tan dalin.

Isaias 37:20

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo so Katawan a Dios.”

Isaias 45:5

“Siak so Katawan; anggapo lay arum a Dios. Itdan ta kay biskeg a nakaukolan mo, anggaman ya ag mo ak kabat.

Marcos 12:29

Inmebat si Jesus, “Saya so sankamanona: ‘Dengel mo, Israel! Say Katawan a Dios tayo et bukbukor to so Katawan.

Saray Gawgawa 4:30

Iyonat moy limam a mamaabig, tan iyabuloy mon nagawa ray milagro tan pakelaw ed ngaran nen Jesus a masanton Aripen mo.”

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

TAGA-EFESO 4:6

walay saksakey a Dios tan Ama na amin a katoowan. Sikatoy Katawan na amin, mankikimey ed amin, tan walad amin.

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Saray Hebreo 2:4

Pinaneknekan met ya na Dios diad panamegley na saray tanda, saray pakelaw, saray nandoroman milagro, tan diad panamegley na saray langkap na Ispiritu Santo a sikaray iniiter to onung ed linawa to.