Saray Salmo 84:5 - Maung A Balita Biblia

⁵ Agaylay liket da ray totoon manlalapud sikay biskeg da, tan mampipilalek iran onla a mangidayew ed sika diad Palandey na Sion.

Maung a Balita Biblia

⁵ Agaylay liket da ray totoon manlalapud sikay biskeg da, tan mampipilalek iran onla a mangidayew ed sika diad Palandey na Sion.

Saray Salmo 84:5 Iomraidhean Croise

Saray Salmo 122:1

Makaliliket ak nen inkuandad siak, “Onla itayod abung na Katawan.”

Saray Salmo 134:1

Dago kayo, ta idayew yoy Katawan, amin yon aripen to, amin a manlilingkur ed Timplo to no labi.

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 55:14

Masamsamit so impantongtong ta, tan naniba ta ya angigalang ed Dios diad Timplo.

Saray Salmo 65:5

Eebatan mo kami diad panamegley na pangiiter mod sikamiy pananalo, tan ilalaban mo kami diad panggagawam na saray pakelaw. Saray katoowan ed intiron mundo tan nibaliw na maawang iran dayat et manmamatalek irad sika.

Saray Salmo 81:1

Iyeyag yoy gayaga ed Dios a manangyagel tayo; ikanta yoy dayew yo ed Dios nen Jacob!

Isaias 26:9

Masimoon ta kan pampilalekan no labi; no sintinsiaan moy mundo tan saray totoo to, naaralan da no antoy so inkatonung.

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 31:6

On, onsabiy agew a saray managbantay ikolyaot dad toktok na kapokdulan na Efraim, ‘Ontatdang itayod Sion, diad Katawan a Dios tayo.’”

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Zacarias 10:12

Pabiskegen ko ray totook; igalang tan onuren da ak.” Say Katawan so nansalita.

2 CORINTO 12:9

balet onyay ebat to: “Say baleg a panangarok labat so nakaukolan mo, ta say pakayarik et sankabiskegan ya ontulong no makapoy ka.” Malikeliket ak sirin a mangipasirayew ed saray kakapoyan ko, pian naliknak so panangyagel ed siak na pakayari nen Cristo.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.