Saray Salmo 83:2 - Maung A Balita Biblia

² Nengneng mo! Manggogolo ray kalaban mo tan onsusumpa ray mamobosul ed sika.

Maung a Balita Biblia

² Nengneng mo! Manggogolo ray kalaban mo tan onsusumpa ray mamobosul ed sika.

Saray Salmo 83:2 Iomraidhean Croise

2 Saray Arari 19:28

Naawat koy pakabat a nipaakar ed satan a pamapasnuk mo tan satan a panagpaatagey mo, kanyan natan inan koy patili so eleng mo tan pakalat so sangim, tan papawilen ta kad dalan a nanlapwan mo.”

Saray Salmo 109:1

Idadayew ta ka, O Dios; ag ka pa marereen!

Saray Salmo 74:23

Ag mo pa lilingwanan so paneeyag da ray kalaban mo, say ag manondan paniingal da ray kalaban mo.

Saray Salmo 74:4

Naneyag ed Timplom iray kalaban mo lapud impanalo ra; inlira dad man iray bandira ra a tanday impanalo ra.

Saray Salmo 81:15

Saray mamobosul ed siak onggiwgiw irad takot diad arap ko; ag manganggay dusa ra.

Saray Salmo 93:3

Onuungol la ray dalem na dayat, O Katawan; makmaknul la ra tan manungol ira.

Isaias 17:12

Agolo-golo ray bansa tan manungol ira a singa panungol na ankakabaleg a daluyon na dayat.

Isaias 37:23

Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Isaias 37:29

Naawat koy pakabat nipaakar ed satan a pamapasnuk mon maung tan satan a panagpaatagey mo, kanyan natan inan koy patili so eleng mo tan pakalat so sangim tan ipawil ta kad dalan a nanlapwan mo.”

Mateo 27:24

Nen alikas nen Pilato ya anggapoy nagawaan to tan onggagapo lay golo, amaalay danum tan nanoras na lima tod arap na totoo. Inkuanto, “Anggapoy kasalanan ko ed ipatey na sayan too! Makaoley kayo!”

Saray Gawgawa 16:22

Saray totoo et akibabali ran angakusad sikara. Ginabyas tan inekal na saray opisyal iray kawes di Pablo tan Silas, insan da ra impapalewet.

Saray Gawgawa 17:5

Balet mangimon iray Judio, kanyan tinitipon da ray luko-lukon totoo ya akar-akar ed saray kalsada, tan nanggolo rad siudad. Nilooban day abung nen Jason, tan impasoot dan anapen ira di Pablo tan Silas, ta labay da ran iparontal ed saray totoo.

Saray Gawgawa 21:30

Agoloy intiron siudad, tan kibatiktik iray totoon dinmadago. Siningkat day Pablo, tan inggayugoy dad paway na Timplo, insan da insaran tampol iray puirta.

Saray Gawgawa 22:22

Anggad sayan bekta, onderengel iray totood kinen Pablo; balet kabebekta ginapoan day naneeyag-eyag. Inkuanda, “Papateyen itan a klasiy too! Ag to nepeg so mambilay!”

Saray Gawgawa 23:10

Nen ampetang lan maung so pansasangsangan da, tinmakot imay kapitan ta ag la pigan nadanel-danel si Pablo, kanyan pinaleksab to ray sondalo, impaala toy Pablo, tan impailoob tod kuartil.

Saray Huis 8:28

Atalo sirin na saray Israelita so Madian tan ag la ra linmaban. Apataploy taon a nanari ed dalin so kareenan ya anggad impatey nen Gedeon.