Saray Salmo 83:18 - Maung A Balita Biblia

¹⁸ Naamtaan da komun a sika labat so Katawan say Sankatageyan a manoley ed sankamundoan.

Maung a Balita Biblia

¹⁸ Naamtaan da komun a sika labat so Katawan say Sankatageyan a manoley ed sankamundoan.

Saray Salmo 83:18 Iomraidhean Croise

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

1 Saray Arari 18:37

Ebatan mo ak pa, Katawan, ebatan mo ak pa, pian nabirbir na sarayan totoo a sika, say Katawan, et Dios, tan papapawilen mo rad sikan dili.”

2 Saray Arari 19:19

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo, O Katawan, so Dios.”

Saray Salmo 18:13

Insan manlapud tawen, kinmarul so Katawan; tan nadngel so bosis na Dios a Sankatageyan.

Saray Salmo 35:4

Natalo tan napelag komun ed kababaingan iray malabay a mamatey ed siak! Napapoliktar tan nagewgew komun iray mankokomplut sumpad siak!

Saray Salmo 59:13

diad pasnuk mo, deral mo pa ra; deral mo ra ya anggad ag da kaoput. Naamtaan ed satan na amin a katoowan a say Dios so manooley ed Israel, tan say panooley to et sasakopen toy intiron mundo!

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Saray Salmo 9:2

Lapud sika malikeliket ak a mankanta. Kantaan kay pangidayew, O Sankatageyan a Dios!

Saray Salmo 92:8

balet sika, Katawan, so anggad anggan sankatageyan.

Saray Salmo 97:9

Makapanyarin-amin a Katawan, sikay manooley ed intiron mundo; matalonggaring kan tuloy nen saray diriyos.

Exodo 6:3

Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Jeremias 16:21

“Kanyan sirin,” kuay Katawan, “maminsan tan duga la, ipaamtak ed sikara so pakayarik tan say biskeg ko; naamtaan da a siak so Katawan.”

Ezekiel 30:19

No onya so panusak ed Egipto, nakabatan da a siak so Katawan.”

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Zacarias 4:14

Insan inkuanto, “Sikara yay duaran lalakin pinili na Dios tan nilanaan ton manlingkur ed sikato.”