Saray Salmo 82:3 - Maung A Balita Biblia

³ Iyagel yoy katonungan da ray mairap-bilay tan saray olila; iter yoy kanepengan da ray totoon walad pankaukolan tan saray kaskasian.

Maung a Balita Biblia

³ Iyagel yoy katonungan da ray mairap-bilay tan saray olila; iter yoy kanepengan da ray totoon walad pankaukolan tan saray kaskasian.

Saray Salmo 82:3 Iomraidhean Croise

Say Libro nen Job 29:12

Tinutulongan ko ray mairap-bilay ya inmeey-ey; tinutulongan ko met iray olila a solingsoling.

Say Libro nen Job 31:21

No walay olilan sinaol ko, lapud amtak a manalo ak ed korti,

Saray Salmo 10:18

Dengelen moy tawag da ray napapairap tan saray olila; diad pananintinsiam kilingan mo ra pian ag la makapantaktakot iray totoon ompatey met lamlamang.

Exodo 23:3

Ag yo kikilingan so mairap-bilay no salaysayen ed korti.

Exodo 23:6

“Ag yo pipikeweten so katonungan na mairap-bilay no onapireng ed korti.

Probirbio 31:9

Isalitaan mo ra tan pagmaliw mon matonung so panintinsiam. Iyagel mo ray kanepegan da ray mairap-bilay tan saray walad pankaukolan.”

Isaias 1:17

tan manaral kayo lan manggaway kamaungan. Ipakurang yoy kaptekan ed saray katoowan—tulongan yo ray napapairap, iyagel yo ray olila, tan imasakit yo ray balo.”

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Jeremias 22:16

Maptek so impanalaysay tod saray mairap-bilay, tan maung so nansumpalan na amin a bengatla. Sikato yay kabaliksan na pakapikabat ed Katawan.

Jeremias 22:3

“Siak, say Katawan, igaganggan kod sikayo a manggawa kayoy kaptekan tan katonungan. Iyagel yoy toon nasasaol ed lima na manasaol ed sikato. Ag yo panggagawaay makapoy o papairapen iray sangkaili, saray olila, odino saray balon bibii; ag yo papateyen ed sayan masanton pasen iray totoon anggapoy kasalanan.

Jeremias 5:28

no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Zacarias 7:9

“Nen saman saya so salitak ed saray totook: ‘Nepeg yon gawaen so inkatonung, tan mankakasiyan tan manaarowan so sakey tan sakey ed sikayo.

Deuteronomio 10:18

Iyaalagey toy pankatonungan da ray olila tan saray balo; inaro to ray sangkaili a manaayam ed kawalaan da ray totoo tayo, tan iitdan to ra na tagano tan kawes.

Deuteronomio 24:17

“Ag yo pipikeweten so katunongan da ray sangkaili tan saray olila; tan ag yo aalaen so kawes na biin balo a kaletan na utang tod sikayo.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.