Saray Salmo 82:2 - Maung A Balita Biblia

² “Tondaan yo lay pangiiter yoy sintinsian pikewet, tan tondaan yo lan pilaan iray totoon maoges.

Maung a Balita Biblia

² Tondaan yo lay pangiiter yoy sintinsian pikewet, tan tondaan yo lan pilaan iray totoon maoges.

Saray Salmo 82:2 Iomraidhean Croise

1 Saray Arari 18:21

Linmay Elias ed saray totoo tan kuanto, “Kapigay pangipasakey yod kanunotan yo? No Dios so Katawan, sikatoy igalang yo; no Dios si Baal, sikatoy igalang yo!” Balet ag inmesel iray totoo.

2 Saray Awaran 19:7

Takotan yoy Katawan tan apiger yoy antokaman a gawaen yo, lapud say Katawan a Dios tayo et ag to labay so pamikewet ed katunongan, odino say panaglabi, odino say pangawat na pasoksok.”

Say Libro nen Job 32:21

Anggapoy pilaan kod sayan singbatan; ag ko idayew so anggan siopaman.

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

Saray Salmo 62:3

Kapigay itonda na idodogpa yon amin ed sakey a toon diad kapkapoy to et aliling toy ageban padir?

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Ezekiel 45:9

Say Katawan a Dios kuanto, “Abayag lay pankakasalanan yo, sikayon manoley na Israel! Tondaan yo lay inkaruksa tan say panagpairap yo. Say kaptekan tan katonungan la so gawaen yo. Ag yo la nepeg a pataynanen lamet iray totoo ed dalin da. Siak a Katawan a Dios so mangibabaga yad sikayo.

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Mateo 17:17

Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

TAGA GALACIA 2:6

Balet saray nabibirbir a pangulo—anggapoy walad siak, anggan siopa ra, ta anggapoy lalabien na Dios—anggapo met so inyarum dad saray imbabagak.

Deuteronomio 1:17

Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.’